Jamiyat

Oʻzbekiston askarlari MDH harbiy oʻyinlarida sovrindor boʻlishdi

© Press-slujba Ministerstva oboronы UzbekistanaIII Mejdunarodnыe voyenno-sportivnыe igrы mejdu drujestvennыmi armiyami gosudarstv-uchastnikov SNG.
III Mejdunarodnыe voyenno-sportivnыe igrы mejdu drujestvennыmi armiyami gosudarstv-uchastnikov SNG.  - Sputnik Oʻzbekiston, 1920, 08.07.2022
Obuna boʻlish
Yandex newsTelegram
MDH mudofaa vazirliklari kengashining 30 yilligi munosabati bilan armiya oʻyinlari oʻtkazilmoqda.
TOSHKENT, 8 iyul – Sputnik. Oʻzbekiston askarlari MDH III harbiy sport oʻyinlarida ilk medallarni qoʻlga kiritdi. Bu haqida Mudofaa vazirligi xabar berdi.
Qozogʻistonning Olma-ota shahrida MDHga aʼzo davlatlar armiyalari oʻrtasida III harbiy sport oʻyinlari boʻlib oʻtmoqda. Unda Oʻzbekiston Mudofaa vazirligi terma jamoasi vakillari dastlabki medallarni qoʻlga kiritdi.
“Harbiylashtirilgan kross” bellashuvining shaxsiy birinchiligida kichik serjant Bekzod Toshpoʻlatov 1-oʻrinni egalladi. Kichik serjant Saida Abdumuminova esa 3-oʻrin sohibasi boʻldi.
Mazkur bahslarda Mudofaa vazirligi terma jamoasi umumjamoa hisobida uchinchi oʻrinni qayd etdi.
Shuningdek, “Shaxsiy quroldan oʻq otish” oʻyinlarida kichik serjant Yana Fatxi 275 ochko bilan mutlaq gʻalabaga erishdi. Mayor Doniyor Jumanov kuchli uchlikdan oʻrin oldi. Umumjamoa hisobida oʻzbekistonlik vakillar 2-oʻrinni band qildi.
Aytilishicha, vakillar “Ofitserlar uchkurashi”, “Armiya qoʻl jangi” va shtat qurolidan oʻq otish musobaqalarida ham ishtirok etmoqda.
Yangiliklar lentasi
0