Jamiyat

Qoraqalpogʻistonda xalqni mitingga chorlagan shaxslar qamoqqa olindi

© Bosh prokuratura matbuot xizmatiBosh prokuratura
Bosh prokuratura - Sputnik Oʻzbekiston, 1920, 08.07.2022
Obuna boʻlish
Yandex newsTelegram
Dauletmurat Tajimuratov qamoqqa olindi. Unga nisbatan Jinoyat kodeksining 159-moddasi 4-qismi (Konstitutsiyaviy tuzumga tajovuz qilish) bilan jinoyat ishi qoʻzgʻatilgan.
TOSHKENT, 8 iyul – Sputnik. Qoraqalpogʻistonda xalqni noqonuniy mitingga chorlab, Konstitutsiyaviy tuzumga tajovuzda ayblangan jurnalist Dauletmurat Tajimuratov qamoqqa olindi. Bu haqda Bosh prokuratura matbuot xizmati xabar berdi.
Qayd etilishicha, Qoraqalpogʻistonda sodir etilgan ommaviy tartibsizliklar yuzasidan 2 iyul kuni Oʻzbekiston Respublikasi Jinoyat kodeksining 159-moddasi 4-qismi (Konstitutsiyaviy tuzumga tajovuz qilish) bilan qoʻzgʻatilgan jinoyat ishi boʻyicha Bosh prokuratura tomonidan dastlabki tergov harakatlari oʻtkazilmoqda.
Shakllantirilgan Bosh prokuratura tergov guruhi zimmasiga yuz bergan hodisalarning barcha holatlarini aniqlash, tergov harakatlarini xolisona hamda qonunchilikka qatʼiy rioya etgan holda oʻtkazish vazifasi yuklatilgan.
Tergov harakatlari davomida jinoyat ishi boʻyicha Jinoyat-protsessual kodeksining 227-moddasi tartibida 14 kishi ushlangan.
“Shu jumladan, Tajimuratov D.M. va Turdanov A.T.larga nisbatan Jinoyat kodeksining tegishli moddalari bilan ayblov eʼlon qilindi. Ularga nisbatan sudning qarori bilan qamoqqa olish ehtiyot chorasi qoʻllanildi. Qallыxanova L.O.ning harakatlarida jamoat xavfsizligiga tajovuz qilish jinoyati alomatlari aniqlandi. U jinoyat ishi boʻyicha gumonlanuvchi sifatida jalb qilinib, protsessual tartibda ushlandi”, deyiladi xabarda.
Taʼkidlanishicha, tergovga jalb etilgan fuqarolarning shaʼni va qadr - qimmati hurmat qilinishi, qiynoq, zoʻravonlik, shafqatsiz yoki inson shaʼni va qadr - qimmatini kamsituvchi harakatlarga yoʻl qoʻyilmasligi qatʼiy nazoratga olingan.
Gumon qilinuvchi va ayblanuvchilarga himoya huquqi toʻla taʼminlangan holda tergov harakatlari oʻtkazilmoqda, saqlash joylarida qonunda nazarda tutilgan barcha sharoitlar taʼminlangan. Sogʻligʻi va saqlash sharoitlari boʻyicha eʼtirozlari mavjud emas.
Yangiliklar lentasi
0