Jamiyat

Bayram kunlari elektr va gaz taʼminotida uzilishlar boʻlmaydi — Energetika vazirligi

© Sputnik / Pavel LisitsыnGazovaya plita
Gazovaya plita - Sputnik Oʻzbekiston, 1920, 09.07.2022
Obuna boʻlish
Yandex newsTelegram
Energiya taʼminotidagi favqulodda holatlarning oldini olish va ularni bartaraf etish uchun tun-u kun ishlovchi avariyaga qarshi brigadalar tashkil etilgan.
TOSHKENT, 9 iyul — Sputnik. Energetika vazirligi hayit kunlari isteʼmolchilarni energiya resurslari bilan barqaror taʼminlash choralari koʻrilganini maʼlum qildi.
Qayd etilishicha, Oʻzbekistonda Qurbon hayiti nishonlanadigan kunlarda:
elektr stantsiyalar, neft va gaz obʼyektlarining shtat rejimida ishlashi taʼminlanadi;
buning uchun esa elektr tarmoqlarida favqulodda holatlarning oldini olish va ularni bartaraf etish maqsadida hududlar boʻylab tun-u kun ishlovchi avariyaga qarshi 227 ta brigada tashkil etilgan;
isteʼmolchilarga tabiiy va suyultirilgan gaz yetkazib berish sifatini yaxshilash maqsadida tun-u kun ishlaydigan avariyaga qarshi 244 ta brigada tashkil etilgan;
2 mingga yaqin jome masjidlarining energiya resurslari taʼminoti holati nazoratga olingan;
bayram tadbirlari boʻlib oʻtadigan joylardagi elektr va gaz taʼminoti nazoratga olingan.
Vazirlik xabarida isteʼmolchilarga elektr energiyasi taʼminotiga oid masalalar yuzasidan 11-54 qisqa raqami yoki Telegram orqali tizim administratoriga, shuningdek, tabiiy va suyultirilgan gaz taʼminoti boʻyicha esa 1104 qisqa raqami, (71) 200-08-04 ishonch telefoni orqali xabar berishlari mumkinligi eslatilgan.
Yangiliklar lentasi
0