Dunyoda

Boris Jonson isteʼfodan keyin siyosatdan ketishi mumkin – OAV

© AP Photo / Alberto PezzaliPremyer-ministr Boris Djonson na Dauning-strit, 10 posle zayavleniya ob otstavke
Premyer-ministr Boris Djonson na Dauning-strit, 10 posle zayavleniya ob otstavke - Sputnik Oʻzbekiston, 1920, 10.07.2022
Obuna boʻlish
Yandex newsTelegram
Taʼkidlanishicha, Jonson unga 2016 yilgacha daromad keltirgan publitsistik faoliyatiga va maʼruza oʻqishga qaytishi mumkin.
TOSHKENT, 10 iyul — Sputnik. Isteʼfoga chiqishini eʼlon qilgan Britaniya bosh vaziri Boris Jonson siyosatni tark etish imkoniyatini koʻrib chiqmoqda, deya yozadi “The Telegraph” nashri.
Nashr manbalariga koʻra, Jonson hozircha deputatlik mandatidan voz kechmoqchi emas, biroq ayni paytda oʻzidan oldingi bosh vazir Tereza Mey kabi jamoatlar palatasida qolish-qolmasligiga ishonchi komil emas.
Taʼkidlanishicha, Jonson unga 2016 yilgacha daromad keltirgan publitsistik faoliyatiga va maʼruza oʻqishga qaytishi mumkin. Manbalardan biri Jonson bu haqda shu dam olish kunlari oʻylab koʻrishini aytgan. Hozircha u biror bir qaror qabul qilgani yoki yoʻqligi maʼlum emas.
Aprel oyida Jonson koronavirus pandemiyasi davrida Dauning-stritdagi bazmlar bilan bogʻliq janjallarga qaramay, u bosh vazir kursisida qolishi va 2024 yilga belgilangan navbatdagi parlament saylovlarida qatnashishi mumkinligiga ishonch bildirgan edi.
Biroq 7 iyul kuni, Britaniya hukumati aʼzolarining ommaviy isteʼfoga chiqishi ortidan, u konservatorlar partiyasi rahbari va bosh vazir lavozimlarini tark etishini eʼlon qildi. Jonson partiya yangi yetakchini saylamaguncha oʻz lavozimida qoladi.
Yangiliklar lentasi
0