Dunyoda

Yer shari aholisi noyabrda 8 milliard kishiga yetadi – BMT

© Sputnik / Yevgeniy OdinokovLyudi v Moskve, arxivnoye foto
Lyudi v Moskve, arxivnoye foto - Sputnik Oʻzbekiston, 1920, 11.07.2022
Obuna boʻlish
Yandex newsTelegram
Yaqin yillarda Hindiston Xitoyni ortda qoldirib, dunyodagi eng koʻp aholiga ega davlat boʻlishi kutilmoqda.
TOSHKENT, 11 iyul — Sputnik. Yer shari aholisi soni 2022 yil noyabriga kelib 8 milliard kishiga yetadi. BMTning iqtisodiy va ijtimoiy masalalar boʻyicha departamenti shunday prognozni taqdim etdi.

“Prognozlarga koʻra, 2022 yil 15 noyabriga kelib dunyo aholisi soni 8 milliard kishiga yetadi”, - deyiladi hujjatda. Undan RIA Novosti iqtibos keltirgan.

Taʼkidlanishicha, dunyo aholisi soni oʻsishda davom etmoqda, biroq oʻsish surʼatlari sekinlashmoqda. 2020 yilda oʻsishning global surʼatlari ilk bor 1950 yildan buyon yiliga 1 foizdan pastga tushgan. BMT maʼlumotlariga koʻra, 2030 yilda dunyo aholisi taxminan 8,5 milliard kishiga koʻpayishi mumkin. 2050 yilga kelib Yer aholisi soni 9,7 milliardga, 2100 yilga kelib esa 10,4 milliardga yetishi taxmin qilinmoqda.
2050 yilga kelib dunyo aholisining prognoz qilinayotgan oʻsishining yarmidan koʻpi sakkizta davlatda, jumladan, Kongo Demokratik Respublikasi, Misr, Efiopiya, Hindiston, Nigeriya, Pokiston, Filippin va Tanzaniya hissasiga toʻgʻri kelishi aytilmoqda.
Shuningdek, taxminan 2027 yilda Hindiston Xitoyni ortda qoldirib, dunyodagi eng koʻp aholiga ega davlat boʻlishi kutilmoqda.
Yangiliklar lentasi
0