Siyosat

Norov: konstitutsiyaviy islohot – davr talabi

Vstrecha i.o. ministra inostrannыx del Vladimira Norova s molodыmi diplomatami po sluchayu Dnya molodeji.
Vstrecha i.o. ministra inostrannыx del Vladimira Norova s molodыmi diplomatami po sluchayu Dnya molodeji. - Sputnik Oʻzbekiston, 1920, 11.07.2022
Obuna boʻlish
Yandex newsTelegram
Oʻzbekiston tashqi ishlar vaziri vazifasini bajaruvchi Vladimir Norov rasmiy tashrif bilan Moskvaga keldi.
TOSHKENT, 11 iyul — Sputnik. Oʻzbekiston tashqi ishlar vaziri vazifasini bajaruvchi Vladimir Norov rasmiy tashrif bilan Moskvaga keldi. Respublika elchixonasida nutq soʻzlagan tashqi siyosat idorasi rahbari mamlakatda boshlangan konstitutsiyaviy islohotlar masalasiga toʻxtaldi, deb xabar beradi Sputnik muxbiri.
“Oʻzbekiston xalq turmush darajasini oshirish, innovatsion iqtisodiy oʻsishni mustahkamlash va mamlakat xavfsizligini taʼminlashga qaratilgan keng koʻlamli islohotlar yoʻlidan oʻz taraqqiyotining yangi masʼuliyatli bosqichiga qadam qoʻydi, – dedi u.
– Konstitutsiyaviy islohotlar – bu davr talabi, uni demokratik islohotlar mantigʻi taqozo etmoqda. Yangilangan konstitutsiya Oʻzbekistonning uzoq muddatli rivojlanish strategiyasining mustahkam huquqiy asosini, kafolatini yaratishi kerak”.
Vladimir Norov, shuningdek, avvalroq mamlakat prezidenti Shavkat Mirziyoyev tomonidan ilgari surilgan konstitutsiyaviy islohotlarning asosiy ustuvor yoʻnalishlarini eslatib oʻtdi.
“Konstitutsiya mazmunida inson shaʼni va qadr-qimmati yoʻlidagi gʻoyalarni chuqur joriy etish hamda “inson-jamiyat-davlat” yondashuvi taklif etilmoqda, yaʼni mavjud paradigma “davlat-jamiyat-inson” oʻrniga yangi paradigma joriy etilmoqda. Boshqacha aytganda, inson qadr-qimmatini yuksaltirish hukumat organlarining ustuvor vazifasi boʻlishi kerak”, - dedi vazir.
Yana bir muhim vazifa – oilaning iqtisodiy va maʼnaviy asoslarini mustahkamlash, bolalar manfaatlarini taʼminlash, nogironligi boʻlgan shaxslarni qoʻllab-quvvatlash, inson salomatligi va atrof-muhitni muhofaza qilish uchun barcha shart-sharoitlarni yaratishdir, dedi TIV rahbari.
Tashrif doirasida Vladimir Norov Rossiya Davlat Dumasi, Tashqi ishlar vazirligi va boshqa idoralarda bir qator uchrashuvlar oʻtkazadi.
Yangiliklar lentasi
0