Jamiyat

Oʻzbekiston harbiy xizmatchilari III xalqaro harbiy sport oʻyinlarida 2-oʻrinni egallashdi

Obuna boʻlish
Yandex newsTelegram
Mazkur xalqaro armiya sport oʻyinlarida Qozogʻiston, Qirgʻiziston, Tojikiston, Oʻzbekiston, Armaniston, Belarus va Rossiya terma jamoalari oʻzaro kurash olib bordilar.
TOSHKENT, 11 iyul — Sputnik. Oʻzbekiston harbiy xizmatchilari MDH ishtirokchi davlatlar doʻstona armiyalari oʻrtasida oʻtkazilgan III xalqaro harbiy sport oʻyinlarida 2-oʻrinni egallashdi.
Oʻyinlar 4 – 10 iyul kunlari Qozogʻistonning Olmaota shahrida boʻlib oʻtdi va Mustaqil MDH Mudofaa vazirliklari kengashining 30 yilligiga bagʻishlangan edi.
Harbiylashtirilgan kross, armiya qoʻl jangi, tosh koʻtarish, shtat qurollaridan oʻq otish, ofitserlar uchkurashi sport turlari oʻrin olgan mazkur xalqaro armiya sport oʻyinlarida Qozogʻiston, Qirgʻiziston, Tojikiston, Oʻzbekiston, Armaniston, Belarus va Rossiya terma jamoalari oʻzaro kurash olib bordilar.
Oʻzbekistonlik harbiylar qoʻlga kiritgan natijalar:
Harbiylashtirilgan kross:
- yakkalik bahslarda kichik serjant Bekzod Toshpoʻlatov 10.47 natija bilan 1-oʻrin (JGʻMHO);
- yakkalik bahslarda kichik serjant Saida Abdumoʻminova 10.44 natija bilan 3-oʻrin (kinologiya xizmati markazi);
- umumjamoa hisobida 3-oʻrin.
Tosh koʻtarish:
- yakkalik bahslarda 68 kg. vazn toifasida kontrakt boʻyicha harbiy xizmatchi oddiy askar Sanjarbek Inomov (JGʻMHO), 73 kg. vazn toifasida kichik serjant Fazliddin Majidov (SHGʻHO) va 95 kg. vazn toifasida kichik serjant Muxammadali Ortiqov (SHGʻHO) 3-oʻrinlarni qoʻlga kiritishdi.
Shtat qurollardan oʻq otish:
- PM-3 yoʻnalishining yakkalik bahslarda Qurolli Kuchlar xizmatchisi Mariya Muxiddinova (MV Sport markazi) 264 natija bilan 3-oʻrin;
- AK-3 yoʻnalishining yakkalik bahslarda kichik serjant Yana Fatxi (MV Sport markazi) 275 natija bilan 1-oʻrin va mayor Doniyor Djumanov (THO) 272 natija bilan 3-oʻrin;
- umumjamoa hisobida 1-oʻrin.
Ofitserlar uchkurashi:
- yakkalik bahslarda kontrakt boʻyicha harbiy xizmatchi oddiy askar Aleksandr Kurishev (MV Sport markazi) 3000 metrga yugurish 9.12 natija bilan hamda 300 metr masofaga erkin suzish mashqida 1-oʻrinlarni qoʻlga kiritdi;
- umumjamoa hisobida 4-oʻrinni qoʻlga kiritishdi.
Armiya qoʻl jangi:
- 55 kg. vazn toifasida kontrakt boʻyicha harbiy xizmatchi oddiy askar Otabek Sirojiddinov (JGʻMHO) 2-oʻrin;
- 60 kg. vazn toifasida kontrakt boʻyicha harbiy xizmatchi oddiy askar Mirzoir Muzaffarov (SHHO) 1-oʻrin;
- 65 kg. vazn toifasida kontrakt boʻyicha harbiy xizmatchi oddiy askar Temurmalik Mamadaliyev (JGʻMHO) 2-oʻrin;
- 70 kg. vazn toifasida kontrakt boʻyicha harbiy xizmatchi oddiy askar Husniddin Roʻziyev (JGʻMHO) 1-oʻrin;
- 75 kg. vazn toifasida kontrakt boʻyicha harbiy xizmatchi oddiy askar Daler Yuldashev (MHO) 3-oʻrin;
- 80 kg. vazn toifasida kichik serjant Ogʻabek Qodirov (JGʻMHO)
1-oʻrin;
- 90 kg. vazn toifasida serjant Sherali Maxamadaminov (THO)
1-oʻrin;
- +90 kg. vazn toifasida Qurolli Kuchlar xizmatchisi Ixtiyor Xalmuratov (THO) 3-oʻrin;
- umumjamoa hisobida 2-oʻrinni qoʻlga kiritishdi.
1/3
2/3
3/3
Yangiliklar lentasi
0