Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Ortopediya: Ota-onalar qaysi oʻrinlarda xatoga yoʻl qoʻyadi?

CC0 / Pixabay / Novorojdennыy. Arxivnoye foto
Novorojdennыy. Arxivnoye foto - Sputnik Oʻzbekiston, 1920, 12.07.2022
Obuna boʻlish
Yandex newsTelegram
Bolalar oʻrtasida koʻp uchraydigan tayanch-harakat tizimi kasalliklari va ularning kelib chiqish sabablari haqida maʼlumot berildi.
Respublika ixtisoslashtirilgan travmatologiya va ortopediya ilmiy-amaliy tibbiyot markazi direktori Murod Irismetov bolalar oʻrtasida koʻp uchraydigan tayanch-harakat tizimi kasalliklari va ularning kelib chiqish sabablari haqida maʼlumot berdi.
"Har qanday xastalik profilaktikasida tibbiy koʻrik hal qiluvchi ahamiyat kasb etadi, — deydi shifokor. — Jumladan, bolani oʻz vaqtida ortoped tekshiruviga olib borib turish kerak. Yoʻqsa, tugʻma yoki orttirilgan nuqsonlar oʻz vaqtida aniqlanmasligi tufayli boʻgʻimlar notoʻgʻri shakllanib, keyinchalik jiddiy kasalliklar yuzaga kelishi xavfi yuqori.
️Masalan, chaqaloqlar beshikka toʻgʻri belanmasa, uning suyaklari notoʻgʻri shakllanishi va turli xastaliklar paydo boʻlishi mumkin. Xususan, chanoq va boʻksa boʻgʻimida displaziya aniqlangan bolalarni beshikka yotqizish ogʻir oqibatlarga olib keladi.
Odatda, bolani beshikka belashdan oldin uning vujudi siqib yoʻrgaklanadi, qoʻllari bogʻlanadi, oyoqlari ham bir-biriga juda yaqin qilib oʻraladi. Biroq goʻdak vujudi ayni oʻsib-rivojlanadigan davrda bu tarzda oʻrab-chirmash uning salomatligiga salbiy taʼsir koʻrsatadi.
️Shu bois, bolani yoʻrgaklashda chaqaloq oyoqlari orasi katta ochilib, qoʻllari boʻsh qoʻyilishi, gavdasi bemalol harakatlanishi uchun sharoit yaratilishi maqsadga muvofiq. Aks holda, kichkintoylarda nafaqat son suyagi displaziyasi, balki boʻyin qiyshiqligi kabi nuqsonlar shakllanadi.
Bundan tashqari, ota-onalarga farzandini tez-tez ochiq havoda, quyosh nuri ostida sayr qildirishni maslahat beramiz. Qolaversa, bolalarga moʻljallangan maxsus uqalash muolajalarini oʻz vaqtida olish ularning sogʻlom oʻsishi, jumladan, raxit kasalligiga chalinmasligiga xizmat qiladi.
Bunga yetarli darajada eʼtibor qaratilmasa, koʻkrak qafasi deformatsiyasi kelib chiqadi. Bolalarning oʻtirishi, turishi va yurishi ham eʼtiborimiz markazida boʻlishi lozim. Bu skolioz kasalligi, yaʼni umurtqa pogʻonasi qiyshiqligi paydo boʻlishining oldini olishda muhim.
Tugʻma maymoqlik ham — bolalar oʻrtasida keng tarqalgan ortopedik kasallik turi. Uni bartaraf etish uchun, avvalo, xastalikni oʻz vaqtida aniqlash zarur. Bu muolajalar samaradorligi va xavfsizligini taʼminlaydi.
Bel-umurtqa, tizza va yelka boʻgʻimi kasalliklariga esa kamharakatlilik, ortiqcha vazn, notoʻgʻri ovqatlanish sabab boʻladi. Shu bois bola parvarishida sogʻlom turmush tarziga qatʼiy amal qilish eng muhim talabdir.
Yangiliklar lentasi
0