Siyosat

Tolibon* delegatsiyasi Toshkent konferentsiyasida ishtirok etadi – Norov

© Sputnik / Vladimir Astapkovich / Fotobankka oʻtishTablichka na stole predstaviteley dvijeniya "Taliban"
Tablichka na stole predstaviteley dvijeniya Taliban  - Sputnik Oʻzbekiston, 1920, 12.07.2022
Obuna boʻlish
Yandex newsTelegram
Tolibon* delegatsiyasi Toshkent konferentsiyasida ishtirok etadi – Norov.
TOSHKENT, 12 iyul — Sputnik. “Tolibon”* harakati delegatsiyasi 25-26 iyul kunlari Toshkentda boʻlib oʻtadigan Afgʻoniston boʻyicha xalqaro konferentsiyada ishtirok etadi. Bu haqda tashqi ishlar vaziri v.b. Vladimir Norov maʼlum qildi, Sputnik muxbiri xabar berdi.
“Biz bugun bu mamlakatda haqiqiy hukumat boʻlgan “Tolibon* harakatidan delegatsiya kelishini kutmoqdamiz”, - dedi Norov Moskvadagi davra suhbatida.
Uning taʼkidlashicha, toliblarning konferentsiyada ishtirok etishi “biz ularni tan olishimizni anglatmaydi”.
“Biz bu konferentsiyani hozirgi hukumatga yetkazmoqchimiz... Bu ular tomonidan Toshkent yigʻilishida qabul qilgan xalqaro majburiyatlari va u yerda imzolangan kelishuvlarni bajarilishini taʼminlashga qaratilgan”, — dedi Norov.
"Bizning pozitsiyalarimiz - Rossiya, Oʻzbekiston va qoʻshni davlatlar – bir-biriga toʻgʻri keladi: "Tolibon"* harakati oʻz majburiyatlarini bajarishi, bu mamlakatdagi barcha siyosiy, etnik va diniy guruhlarni oʻz ichiga olgan inklyuziv hukumat yaratishi kerak", - deb qoʻshimcha qildi u.
25-26 iyul kunlari Toshkentda Afgʻoniston boʻyicha xalqaro konferentsiya boʻlib oʻtadi va unda 20 tadan ortiq davlat delegatsiyasi ishtirok etadi.
2021 yil avgust oyi boshida Tolibon* afgʻon hukumat kuchlariga qarshi hujumni kuchaytirdi, 15 avgust kuni ular Kobulga kirib keldi va ertasi kuni urush tugaganini eʼlon qildi. Afgʻonistonning oʻsha paytdagi prezidenti Ashraf Gʻani “qirgʻinning oldini olish uchun” mamlakatni tark etganini aytdi.
31 avgustga oʻtar kechasi amerikalik harbiylar Kobul aeroportini tark etib, AQShning Afgʻonistondagi qariyb 20 yillik harbiy ishtirokiga yakun yasadi. Sentyabr oyi boshida Afgʻoniston muvaqqat hukumati tarkibi eʼlon qilindi, unga “Tolibon”*ning birinchi hukmronligi davrida TIV rahbari boʻlib ishlagan va 2001 yildan beri BMT sanktsiyalari ostida boʻlgan Muhammad Hasan Oxund rahbar boʻldi.
* terrorchilik faoliyati uchun BMT sanktsiyalari ostida
Yangiliklar lentasi
0