Iqtisod

Oʻzbekiston-Turkmaniston hududlararo forumida 451 million dollarlik bitimlar imzolandi

© Foto: MIVT UzbekistanaV Buxare sostoyalsya pervыy uzbeksko-turkmenskiy mejregionalnыy forum
V Buxare sostoyalsya pervыy uzbeksko-turkmenskiy mejregionalnыy forum - Sputnik Oʻzbekiston, 1920, 13.07.2022
Obuna boʻlish
Yandex newsTelegram
Buxorodagi birinchi forumda hududlararo aloqalarni mustahkamlash va iqtisodiy samaradorligi yuqori boʻlgan tashabbuslarni birgalikda rivojlantirish muhimligini taʼkidlandi.
TOSHKENT, 13 iyul — Sputnik. Buxoroda birinchi Oʻzbekiston-Turkmaniston hududlararo forumi boʻlib oʻtdi. Forum yakunida umumiy qiymati 451 million dollarlik investitsiya va savdo bitimlari imzolandi. Bu haqda Oʻzbekiston Investitsiyalar va tashqi savdo vazirligi matbuot xizmati xabar qildi.
Tadbirda ikki mamlakat delegatsiyalariga Oʻzbekiston tomonidan bosh vazir oʻrinbosari – investitsiyalar va tashqi savdo vaziri Sardor Umurzakov, Turkmaniston tomonidan Vazirlar Mahkamasi raisining oʻrinbosari Botir Atdayev rahbarlik qildi.
Delegatsiyalar tarkibiga ikki mamlakat vazirliklari, idoralari, tarmoq birlashmalari, tijorat banklari, savdo-sanoat palatalari rahbarlari, mahalliy maʼmuriyatlar rahbarlari hamda ishbilarmon doiralar vakillari kirdi.
Tomonlar hududlararo aloqalarni mustahkamlash va iqtisodiy samaradorligi yuqori boʻlgan tashabbuslarni birgalikda rivojlantirish muhimligini taʼkidlab, bu borada qoʻshma amaliy chora-tadbirlarni koʻrishga tayyor ekanliklarini bildirdilar. Ikki mamlakat hududlarining rahbarlari va biznes missiyalarining muntazam oʻzaro tashriflarini tashkil qilish yoʻlga qoʻyiladi.
Bundan tashqari, vazifalari hududlar oʻrtasida hamkorlikning yangi yoʻnalishlarini kashf etish, istiqbolli loyihalarni ishlab chiqish va muvofiqlashtirish, ularni hayotga tatbiq etish bilan bogʻliq barcha masalalarni hal qilishdan iborat boʻlgan doimiy ishchi guruhlar tashkil etilishi maʼlum qilindi.
Forum ishtirokchilari investitsiyaviy, sanoat va savdo munosabatlarini rivojlantirish uchun qishloq xoʻjaligi, avtomobilsozlik, kimyo, toʻqimachilik, charm-poyabzal va elektrotexnika sanoati kabi eng istiqbolli yoʻnalishlarga eʼtibor qaratdilar.
Hududlararo aloqalarni rivojlantirish nuqtai nazaridan chegaraoldi savdo zonalarini foydalanishga topshirish, savdo uylarini ochish hamda yuqori texnologiyali ishlab chiqarish korxonalarini tashkil qilishga qaratilgan qoʻshma loyihalarni amalga oshirishni jadallashtirish muhimligi taʼkidlandi.
Serdar Berdimuhamedov Oʻzbekistonga davlat tashrifi bilan keladi
Yangiliklar lentasi
0