Iqtisod

Prezident energetikaga oid loyihalarni ishga tushirishni tezlashtirish yuzasidan topshiriq berdi

© Press-slujba prezidenta UzbekistanaShavkat Mirziyoyev
Shavkat Mirziyoyev - Sputnik Oʻzbekiston, 1920, 13.07.2022
Obuna boʻlish
Yandex newsTelegram
Shavkat Mirziyoyev Birlashgan Arab Amirliklari bilan hamkorlikdagi energetikaga oid bitim va hujjatlarni imzolash jarayonini tezlashtirish yuzasidan topshiriq berdi.
TOSHKENT, 13 iyul — Sputnik. Prezident Birlashgan Arab Amirliklari bilan hamkorlikda energetika sohasida amalga oshirilayotgan yirik loyihalarga oid taqdimot bilan tanishdi.
Qayd etilishicha, oʻtgan yili Navoiy viloyatida birinchi quyosh elektr stantsiyasi aynan Birlashgan Arab Amirliklarining “Masdar” kompaniyasi bilan hamkorlikda ishga tushirildi. Bugungi kunda u bir kecha-kunduzda 1 mln 180 ming kilovatt soat elektr energiyasi yetkazib bermoqda.
Bu sohada yana 5 ta yirik loyihani amalga oshirish kelishilgan boʻlib, ularning umumiy qiymati qariyb 3 milliard dollarni tashkil etadi.
Xususan, “Mubadala” va “Taqa” kompaniyalari bilan hamkorlikda Talimarjon issiqlik elektr stantsiyasini xususiylashtirish va quvvatini oshirish, “Masdar” kompaniyasi bilan Navoiy viloyatida shamol, Surxondaryo, Samarqand va Jizzax viloyatlarida quyosh elektr stantsiyalarini qurish moʻljallangan.
“Joriy yildan Birlashgan Arab Amirliklari bilan iqtisodiy hamkorlikni rivojlantirish va muvofiqlashtirish boʻyicha yangi tizim yoʻlga qoʻyildi”, deyiladi xabarda.
Yigʻilishda energetika sohasidagi loyihalar ijrosi ana shu tizim asosida koʻrib chiqildi.
Mutasaddilar loyihalarning hozirgi holati va yil yakunigacha moʻljallangan chora-tadbirlar yuzasidan axborot berdi.
Talimarjon issiqlik elektr stantsiyasini xususiylashtirish haqida soʻz borar ekan, bu loyiha issiqlik elektr stantsiyalarini boshqarish va energiya ishlab chiqarishda namunaviy boʻlishi kerakligi qayd etildi.
“Masdar” kompaniyasi bilan qayta tiklanuvchi energetika sohasida amalga oshiriladigan loyihalar 2030 yilgacha mamlakatimizda “yashil energetika” ulushini 25 foizga yetkazishda muhim qadam boʻladi. Shu bois, loyihalarni amalga oshirish boʻyicha zarur bitim va hujjatlar imzolashni tezlashtirish muhimligi koʻrsatib oʻtildi.
Maʼlumot uchun, yil boshidan buyon Oʻzbekiston va Birlashgan Arab Amirliklarining oʻzaro savdo hajmi ikki barobarga koʻpaydi va mamlakatda 45 ta yangi qoʻshma korxona tashkil etildi.
Yangiliklar lentasi
0