Siyosat

Oʻzbekiston SHHT davlatlarini mehnat unumdorligini oshirish sohasida hamkorlikka chorladi

© Sputnik/Zafar XalilovV Tashkente proxodit vstrecha ministrov promыshlennosti SHOS i SNG
V Tashkente proxodit vstrecha ministrov promыshlennosti SHOS i SNG - Sputnik Oʻzbekiston, 1920, 15.07.2022
Obuna boʻlish
Yandex newsTelegram
Bosh vazir oʻrinbosari tomonidan SHHT mamlakatlaridagi hamkasblariga “tez-tez koʻrishib turish”, mehnat unumdorligi masalalari boʻyicha qoʻshma seminar va treninglar oʻtkazishni faollashtirish taklifi berildi.
TOSHKENT, 15 iyul — Sputnik. Toshkent Shanxay hamkorlik tashkiloti davlatlarini mehnat unumdorligini oshirish sohasida hamkorlik mexanizmini ishlab chiqishga taklif qilmoqda. Bu haqida Iqtisodiy taraqqiyot va kambagʻallikni qisqartirish vaziri Jamshid Qoʻchqorov maʼlum qildi.
Oʻzbekiston hozirda SHHTga raislik qilmoqda. Bugun Toshkentda tashkilotga aʼzo mamlakatlar sanoat vazirlarining ikkinchi yigʻilishi oʻz ishini boshladi.
Tadbirning ochilish marosimida “Biz mehnat unumdorligi sohasida hamkorlik mexanizmini oʻz ichiga olgan, barcha SHHT mamlakatlari manfaatlariga xizmat qiluvchi asosli hujjatni ishlab chiqish va qabul qilish masalasini koʻrib chiqishni taklif qilamiz”, deya qayd etdi Qoʻchqorov.
Shuningdek, Bosh vazir oʻrinbosari tomonidan SHHT mamlakatlaridagi hamkasblariga “tez-tez koʻrishib turish”, mehnat unumdorligi masalalari boʻyicha qoʻshma seminar va treninglar oʻtkazishni faollashtirish taklifi berildi.
“Biz hamkorlik asosida loyihalarni faollashtirish, qoʻshma loyihalarni amalga oshirishni maqsadga muvofiq deb bilamiz”, deya qoʻshimcha qildi Qoʻchqorov.
Maʼlumot uchun, SHHT 2001 yilda tashkil etilgan xalqaro tashkilot boʻlib, hozirda Hindiston, Qozogʻiston, Xitoy, Qirgʻiziston, Rossiya, Tojikiston, Pokiston va Oʻzbekiston uning aʼzolari hisoblanadi.
SHHTda kuzatuvchi davlatlar Afgʻoniston, Belarus, Eron va Moʻgʻuliston, hamkor davlatlar -Ozarbayjon, Armaniston, Kambodja, Nepal, Turkiya va Shri-Lankadir.
Oʻtgan yili sentyabr oyida Dushanbeda boʻlib oʻtgan SHHT sammitida Eronni tashkilotga qabul qilish va Misr, Qatar va Saudiya Arabistoniga muloqot boʻyicha hamkor maqomini berish jarayoni boshlangandi.
Yaqinda Belarus SHHTga aʼzo boʻlish uchun ariza topshirdi.
Yangiliklar lentasi
0