Jamiyat

Oʻzbekistonlik oʻquvchi Xalqaro matematika olimpiadasida gʻolib boʻldi

© Xalq taʼlimi vazirligi Oʻzbekistonlik oʻquvchi Xalqaro matematika olimpiadasida gʻolib boʻldi
Oʻzbekistonlik oʻquvchi Xalqaro matematika olimpiadasida gʻolib boʻldi - Sputnik Oʻzbekiston, 1920, 15.07.2022
Obuna boʻlish
Yandex newsTelegram
Medal sohibi oliy taʼlim muassasasiga test sinovlarisiz, davlat granti asosida qabul qilinadi.
TOSHKENT, 15 iyul — Sputnik. Oʻzbekistonlik oʻquvchi Xalqaro matematika olimpiadasida bronza medalini qoʻlga kiritdi. Bu haqida Xalq taʼlimi vazirligi xabar berdi.
Oʻzbekistonlik oʻquvchilar Norvegiyaning Oslo shahrida 6-16 iyul kunlari oʻtkazilgan 63-Xalqaro matematika olimpiadasida ishtirok etdi.
Mazkur olimpiadada dunyoning 106 ta davlatidan 600 nafar oʻquvchi qatnashdi. Unda Oʻzbekiston sharafini himoya qilgan Lazizbek Rajabboyev bronza medalini qoʻlga kiritdi.
“Bronza medali uchun oʻquvchi 60 mln soʻm, uning oʻqituvchisi esa 45 mln soʻm pul mukofoti bilan taqdirlanadi”, deyiladi xabarda.
Maʼlumot uchun, Lazizbek Rajabboyev Qorakoʻl Xalqaro matematika maktabi oʻquvchisi hisoblanadi. Belgilangan tartibga koʻra, medal sohibi oliy taʼlim muassasasiga test sinovlarisiz, davlat granti asosida qabul qilinadi.
Yangiliklar lentasi
0