Jamiyat

Fargʻona aeroportini modernizatsiya qilish uchun Rossiya kompaniyasi jalb qilinishi mumkin

© Sputnik / Grigoriy Sыsoyev / Fotobankka oʻtishSamolet "Suxoy Superdjet 100
Samolet Suxoy Superdjet 100 - Sputnik Oʻzbekiston, 1920, 15.07.2022
Obuna boʻlish
Yandex newsTelegram
Fargʻona viloyati hokimi Rossiyaning “Aeroportы Regionov” shirkati vakillarini qabul qildi.
TOSHKENT, 15 iyul — Sputnik. Rossiyaning “Aeroportы Regionov” xoldingi Oʻzbekistonda Sukhoi Superjet 100 samolyotlari bilan mahalliy reyslarda xizmat koʻrsatuvchi aviakompaniya tashkil qilib, uni Fargʻona aeroportida joylashtirmoqchi. Bu haqda Sergey Krasnov boshchiligidagi kompaniya vakillari Fargʻona viloyati hokimi Xayrullo Bozorov bilan uchrashuvda maʼlum qildi.
Hokimlik matbuot xizmatiga koʻra, uchrashuvda rekonstruktsiya va modernizatsiya qilish orqali Fargʻona aeroportini rivojlantirish istiqbollari hamda “Aeroportы Regionov” holdingining bu jarayonda ishtiroki imkoniyatlari muhokama qilingan.
Fargʻona vodiysi viloyatlari hamda qoʻshni mamlakatlar chegaradosh viloyatlari aholisi sonini hisobga olganda, Fargʻona shahri aeroportini kengaytirish hamda modernizatsiya qilish istiqbolli loyiha ekani taʼkidlangan.
Shuningdek, kelgusida Fargʻona aeroportini Yevropa va Osiyo oʻrtasida xalqaro tranzit tuguniga aylantirish, qoʻshimcha kargo terminali barpo etish orqali yuk tashish hajmini oshirish imkoniyatlari yuqori baholandi.
“Aeroportы Regionov” xoldingi tomonidan Oʻzbekistonda tashkil etilishi rejalashtirilayotgan, oʻrta masofaga moʻljallangan Sukhoi Superjet 100 samolyotlari bilan mahalliy reyslarda xizmat koʻrsatuvchi aviakompaniyani Fargʻona aeroportida joylashtirish boʻyicha fikr almashilgan.
Yangiliklar lentasi
0