Sport

Maksim Shatskix “Paxtakor” bosh murabbiyi boʻldi

© Press-slujba futbolnogo kluba "Paxtakor"Maksim Shatskix
Maksim Shatskix  - Sputnik Oʻzbekiston, 1920, 16.07.2022
Obuna boʻlish
Yandex newsTelegram
Maksim Shatskix Toshkentning “Paxtakor” klubida ish boshladi.
TOSHKENT, 16 iyul — Sputnik. Oʻzbekiston milliy terma jamoasi sobiq aʼzosi Maksim Shatskix Toshkentning “Paxtakor” klubida ish boshladi. Bu haqda klub matbuot xizmati xabar berdi.
Qayd etilishicha, klub va Shatskix oʻrtasida imzolangan shartnomaga koʻra, u sport direktori lavozimida faoliyat koʻrsatadi.
“Kiyevning “Dinamo” va Oʻzbekiston milliy terma jamoasidagi ajoyib faoliyati orqali koʻplab muxlislar mehrini qozongan, Yevropa maydonlarida yurtimiz nomini tanitgan Maksim Shatskix “Paxtakor” sport direktori sifatida ishga kirishdi”, - deyiladi xabarda.
Shatskix faoliyati davomida Valeriy Lobanovskiy singari mutaxassis qoʻl ostida Kiyevning “Dinamo”sida oʻynagan.
“Shatskix zamonaviy futbol bilimlarini yaxshi oʻzlashtirgan. U klubimizga akademiyadan asosiy tarkibgacha boʻlgan yoʻlni iqtidorlarning tizim asosida bosib oʻtishiga yordamlashadi, yosh va yuqori salohiyatli futbolchilarni topishga intiladi. Bu borada u oʻynagan “Dinamo” MDHda yetakchilardan biri sanaladi. Umid qilamizki, Shatskix klubimizning yangi darajaga koʻtarilishi va koʻplab sovrinlarga ega chiqishiga oʻzining katta hissasini qoʻshadi”, deyiladi xabarda.
Shatskix bungacha 2020−2021 yilgi mavsumda Rossiyaning “Rotor” klubida bosh murabbiy Aleksandr Xatskevichning yordamchisi sifatida faoliyat yuritgan. U Oʻzbekiston terma jamoasi safida 61 uchrashuvda 34 ta gol bilan eng yaxshi toʻpurar sanaladi.
Yangiliklar lentasi
0