Qozog‘istonda ichida o‘zbekistonliklar bo‘lgan avtobus YTHga uchradi

© Fotolia / Jan H. AndersenMertviy chelovek na asfalte
Mertviy chelovek na asfalte - Sputnik O‘zbekiston, 1920, 16.07.2022
Obuna bo‘lish
Yo‘l-transport hodisasi oqibatida 8 kishi halok bo‘ldi.
TOShKENT, 16-iyul — Sputnik. Bugun Qozog‘istonning Shesskiy tumanida ichida O‘zbekiston fuqarolari ham bo‘lgan mikroavtobus yuk mashinasi bilan to‘qnashdi. Bu haqda O‘zbekiston Favqulodda faziyatlar vazirligi matbuot xizmati xabar berdi.
Qayd etilishicha, voqea soat 3:21 da Qozog‘istonning Shesskiy tumanidan o‘tgan “Olmaota-Yekaterinburg” avtomobil yo‘lida sodir bo‘ldi. Mazkur yo‘lda harakatlangan MAN yuk mashinasi va “Mercedes-Benz Sprinter” yo‘lovchi mikroavtobusi to‘qnashdi.
Oqibatida mikroavtobus ichida bo‘lgan 17 nafar yo‘lovchilardan 8 nafari voqea joyida halok bo‘ldi, 9 nafar yo‘lovchilar turli darajada tan jarohati olib, Aksu-Ayuli qishloq kasalxonasiga yotqizildi.
YTH oqibatida mikroavtobus salonida bo‘lgan 5 nafar O‘zbekiston fuqarolaridan 2 nafari voqea joyida vafot etdi, 3 nafari turli tan jarohatlari bilan shifoxonaga yotqizildi. Hozirda fuqarolarga malakali tibbiy yordam ko‘rsatilmoqda.
Holat yuzasidan Qozog‘iston IIV xodimlari tomonidan dastlabki tergovoldi surishtiruv ishlari olib borilmoqda.
Yangiliklar lentasi
0