O‘zbekiston ishtirokidagi temir yo‘li loyihasi YeOII ustuvor yo‘nalishlari ro‘yxatiga kiritildi

© Sputnik / Vitaliy Timkiv / Mediabankka o‘tishJeleznaya doroga
Jeleznaya doroga - Sputnik O‘zbekiston, 1920, 17.07.2022
Obuna bo‘lish
YeOIIga a’zo davlatlarning transport sohasidagi ustuvor integratsiyaviy infratuzilma loyihalari ro‘yxati to‘g‘risida”gi farmoyishi loyihasi tasdiqlandi.
TOShKENT, 17-iyul — Sputnik. “Xitoy – Qirg‘iziston – O‘zbekiston” temir yo‘li qurilishi loyihasi Yevroosiyo iqtisodiy ittifoqining (YeOII) ustuvor yo‘nalishlari ro‘yxatiga kiritildi.
Belarusning Vitebsk shahrida bo‘lib o‘tgan Yevroosiyo iqtisodiy komissiyasi (YeIK) Kengashining navbatdagi yig‘ilishida Yevroosiyo hukumatlararo kengashining “YeOIIga a’zo davlatlarning transport sohasidagi ustuvor integratsiyaviy infratuzilma loyihalari ro‘yxati to‘g‘risida”gi farmoyishi loyihasi tasdiqlandi.
“Mazkur ro‘yxatga Qirg‘izistonning 2 ta loyiha kiritildi: “Xitoy-Qirg‘iziston-O‘zbekiston temir yo‘li qurilishi” va “Lugavaya-Baliqchi temir yo‘l uchastkasini elektrlashtirish”, - deyiladi Qirg‘iziston Vazirlar mahkamasi saytidagi xabarda.
Avvalroq Bishkek Xitoy–Qirg‘iziston–O‘zbekiston yo‘nalishi bo‘yicha temir yo‘l qurilishini joriy yil kuzida boshlashni rejalashtirilgani xabar qilingan edi.
2019 yilda Xitoy-Qirg‘iziston-O‘zbekiston temir yo‘lini qurish bo‘yicha texnik-iqtisodiy asos tayyorlangan edi. Rossiya texnik-iqtisodiy asosni tayyorlash uchun 200 million rubl ajratgan.
Yangiliklar lentasi
0