Aziza Abduvaliyeva Xalqaro biologiya olimpiadasida bronza medalini qo‘lga kiritdi

© Foto: MNO UzbekistanaAziza Abduvaliyeva
Aziza Abduvaliyeva - Sputnik O‘zbekiston, 1920, 18.07.2022
Obuna bo‘lish
Armanistonda o‘tkazilgan 33-Xalqaro biologiya olimpiadasida Toshkent pediatriya instituti akademik litseyi o‘quvchisi bronza medaliga ega chiqdi.
TOShKENT, 18-iyul — Sputnik. Toshkent pediatriya instituti akademik litseyi o‘quvchisi Aziza Abduvaliyeva 33-Xalqaro biologiya olimpiadasida bronza medalini qo‘lga kiritdi. Bu haqda Xalq ta’limi vazirligi matbuot xizmati xabar bermoqda.
10-18 iyul kunlari Armanistonda o‘tkazilgan xalqaro olimpiadada dunyoning 64 davlatidan 256 nafar o‘quvchi qatnashgan qatnashgan. O‘zbekiston sharafini Aziza Abduvaliyeva, Azizbek Muxtorov (Jizzax davlat pedagogika instituti akademik litseyi o‘quvchisi), Behruz Tursunov (Toshkent shahar Mirzo Ulug‘bek tumani 142-IDUM o‘quvchisi) va G‘olibjon Sharifov (Buxoro viloyati Kogon tumani 3-maktab 9-sinf o‘quvchisi) himoya qilgan.
Bronza medali uchun Abduvaliyeva 60 mln so‘m, uning o‘qituvchisi esa 45 mln so‘m pul mukofoti bilan taqdirlanadi.
Belgilangan tartibga ko‘ra, medal sohibi oliy ta’lim muassasasiga test sinovlarisiz, davlat granti asosida qabul qilinadi.
O‘zbekiston terma jamoasi vakillari ushbu olimpiadada 1997-yildan buyon ishtirok etib kelmoqda. Hozirgi kunga qadar 3 ta oltin, 4 ta kumush, 9 ta bronza medallarini qo‘lga kiritgan.
Avvalroq Buxoro viloyati Qorako‘l tumanidagi Xalqaro matematika maktabi o‘quvchisi Lazizbek Rajabboyev Osloda o‘tkazilgan 63-Xalqaro matematika olimpiadasida bronza medalini qo‘lga kiritgani xabar qilingan edi.
Yangiliklar lentasi
0