Jamiyat

Bolalarni davlat bogʻchalariga qabul qilish tartibi maʼlum qilindi

© Sputnik / Dilshoda RaxmatovaDetskiy sadik v Priaralye
Detskiy sadik v Priaralye  - Sputnik Oʻzbekiston, 1920, 18.07.2022
Obuna boʻlish
Yandex newsTelegram
Ariza beruvchilar yoʻllanmalar olish uchun davlat xizmatlari markazlariga oʻzlari kelib murojaat qiladi yoki Yagona interaktiv davlat xizmatlari portali (my.gov.uz)da roʻyxatdan oʻtadi.
TOSHKENT, 18 iyul — Sputnik. Adliya vazirligi bolalarni davlat maktabgacha taʼlim muassasalariga qabul qilish tartibi haqida maʼlumot berdi.
Ota-onalar, ular oʻrnini bosuvchi shaxslar (farzandlikka oluvchilar, vasiylar va homiylar), bolalar yaqin qarindoshlari (bobosi, buvisi, voyaga yetgan akasi yoki opasi) yoki uchinchi shaxslar (ariza beruvchilar) yoʻllanmalar olish uchun davlat xizmatlari markazlariga oʻzlari kelib murojaat qiladi yoki Yagona interaktiv davlat xizmatlari portali (my.gov.uz)da roʻyxatdan oʻtadi.
Davlat xizmatidan kompleks tarzda foydalanish uchun FHDYO organiga tugʻilishni qayd etish bilan bir vaqtda murojaat qilishlari ham mumkin.
Soʻrovnoma toʻldirilib, avtomatik ravishda Maktabgacha taʼlimni boshqarish axborot tizimiga yuboriladi.
Tegishli tashkilot va guruhda boʻsh oʻrin boʻlganda – yoʻllanma shakllantiriladi, boʻsh oʻrin boʻlmaganda – soʻrovnoma tegishlicha umumiy yoki imtiyozli roʻyxatga kiritiladi hamda xabarnoma shakllantiriladi.
Imtiyozli roʻyxatga kiritiladigan bolalar qatlami:
I va II guruh nogironligi boʻlgan shaxslar bolalari;
koʻp bolali oilalar bolalari;
yetim bolalar yoki ota-onasi qarovisiz qolgan bolalar;
“Ayollar daftari”ga kiritilgan ijtimoiy himoyaga muhtoj yolgʻiz ayollar bolalari;
kontrakt boʻyicha harbiy xizmatchilar va ichki ishlar organlari xodimlari bolalari;
talabalar va pedagoglar bolalari;
akalari yoki opalari ushbu muassasa tarbiyalanuvchilari jumlasidan boʻlgan bolalar;
koʻp tarmoqli ixtisoslashtirilgan maktabgacha tashkilotlardan umumiy turdagi maktabgacha tashkilotlarga oʻtkazilayotgan sogʻaygan bolalar.
Ariza beruvchi bolalarni tashkilotga qabul qilishni yoʻllanma shakllangandan soʻng 15 ish kuni mobaynida rasmiylashtirmagan taqdirda, yoʻllanma haqiqiy emas deb hisoblanadi.
Avvalroq endi oilaviy bogʻchalarga 3 yoshga toʻlmagan bolalar ham qabul qilinishi xabar qilingan edi.
Yangiliklar lentasi
0