Iqtisod

Ipoteka kreditini ajratishda qoʻyiladigan talablar yengillashtirilishi kutilmoqda

© PixabayIpoteka, illyustrativnoye foto
Ipoteka, illyustrativnoye foto - Sputnik Oʻzbekiston, 1920, 18.07.2022
Obuna boʻlish
Yandex newsTelegram
Aholi daromadining kreditga yoʻnaltiradigan qismini soliqdan ozod qilish chegarasi oshiriladi.
TOSHKENT, 18 iyul — Sputnik. Oʻzbekistonda ipoteka kreditini ajratishda aholi daromadlari boʻyicha tijorat banklariga qoʻyiladigan talablar yengillashtiriladi. Prezident Shavkat Mirziyoyev mutasaddilarga tegishli qaror loyihasini kiritishni topshirdi.
Davlat rahbari navbatdagi yigʻilishda aholini qiynayotgan uy-joy bilan bogʻliq masalalarga toʻxtalib oʻtdi.
Taʼkidlanishicha, uch yil avval aholini uy-joy bilantaʼminlash boʻyicha bozor tamoyillariga asoslangan yangi ipoteka tizimi joriy etilgan.
Natijada oʻtgan besh oyda ipoteka kreditlari hajmi 2,5 baravarga oshib, 310 mingdan ziyod oila shaxsiy uy-joyga ega boʻldi. Uy-joy qurilish hajmi ham 3 baravar oshdi.
Shu oʻrinda, joriy yilda asosiy stavka oshganiga qaramay, ipoteka kreditlari boʻyicha banklarga ajratiladigan resurs stavkalari oʻzgarishsiz qoldirildi.
Natijada shu yilning besh oyida 30 ming nafar yoki oʻtgan yilning mos davriga nisbatan 1,5 baravarga koʻp fuqarolarga imtiyozli ipoteka krediti ajratildi.
Lekin, ipoteka kreditlarining cheklangan hajmi va subsidiya ajratishda byurokratiya boʻyicha aholi tomonidan koʻplab eʼtirozlar bildirilmoqda.
Shuning uchun mutasaddilarga 1 sentyabrdan boshlab:
aholi daromadining kreditga yoʻnaltiradigan qismini soliqdan ozod qilish chegarasini oshirish;
ipoteka kreditini ajratishda aholi daromadlari boʻyicha tijorat banklariga qoʻyiladigan talablarni yengillashtirish boʻyicha qaror loyihasini kiritish topshirildi.
Mutasaddilar oldiga ikki hafta muddatda subsidiya ajratishda byurokratiyani keskin qisqartirish, uni ochiq-oshkora qilib, toʻliq raqamlashtirish boʻyicha taklif kiritish vazifasi qoʻyildi.
Yangiliklar lentasi
0