Iqtisod

Oʻzbekiston uran ishlab chiqarish hajmini oshirishni rejalashtirmoqda

© Sputnik / Sergey Pyatakov / Fotobankka oʻtishDobыcha uranovыx rud v rudnike
Dobыcha uranovыx rud v rudnike - Sputnik Oʻzbekiston, 1920, 18.07.2022
Obuna boʻlish
Yandex newsTelegram
2030 yilga borib uran ishlab chiqarish hajmi 7100 tonnaga yetkaziladi.
TOSHKENT, 18 iyul — Sputnik. Oʻzbekistonda 2030 yilga borib uran ishlab chiqarish hajmi 7100 tonnaga yetkaziladi. Bu prezident tomonidan qabul qilingan PQ-319-sonli qarorda nazarda tutilgan.
Hujjat bilan, 2022-2030 yillarda “Navoiyuran” davlat korxonasining uran qazib olish va qayta ishlash hajmlari oshiriladi.
Hozirda tabiiy uran konstsentrati 3 526 tonnaga teng boʻlib, bu koʻrsatgich shu yilning oʻzida yana 30 tonnaga (3 526) oshiriladi.
Hujjatda qayt etilishicha, amalda uran zaxiralari hajmi 4 761 tonnani tashkil etmoqda. Bu koʻrsatgichni 2030 yilga borib 10 500 tonnaga yetkazish prognoz qilinmoqda.
Shuningdek, “Oʻzkimyosanoat”, “Olmaliq KMK” va “Oʻzbekneftigaz” bilan birgalikda “Navoiyuran”da uran qazib olish va qayta ishlash jarayonida ishlatiladigan asosiy kimyoviy va boshqa xomashyo mahsulatlarini ishlab chiqarish hajmi oshiriladi.
2022-2030 yillarda korxona tomonidan uran, nodir va kamyob mettalar prognoz resurslari hamda zaxiralarini koʻpaytirish boʻyicha geologiya-qidiruv, ilmiy tadqiqot va tajriba-sinov ishlari yoʻlga qoʻyiladi.
Qolaversa, respublikaning ixtisosligi mos yetakchi oliy taʼlim muassasalari va xorijiy filiallar negizida uran geologiyasi, qazib olish, qayta ishlash va qoʻshilgan qiymatli mahsulot ishlab chiqarish sohasida yuqori malakali mutaxassislar tayorlanadi.
Kadrlarga boʻlgan ehtiyojdan kelib chiqib, mamlakatda yangi taʼlim yoʻnalishlarini ochish boʻyicha Rossiyaning “MMFI” milliy tadqiqot yadro, Rossiya kimyo-texnologiyalari, Sank-Peterburg konchilik universitetlari va boshqa xorijiy OTMlar bilan muzokaralar oʻtkazish kutilmoqda.
Maʼlumot uchun, Oʻzbekiston oʻtgan yilda uran qazib oluvchi davlatlar reytingidagi beshinchi oʻrinni qayd etdi. Oʻzbekistonda yiliga barqaror ravishda 3,5 ming tonna uran ishlab chiqarilmoqda. Xususan, mamlakat 2020 va 2019 yillarda ham 3,5 ming tonna, 2018 yilda esa 3,4 ming tonna uran ishlab chiqargan.
Yangiliklar lentasi
0