Jamiyat

Oʻzgidromet bugun kutilayotgan ob-havo haqida maʼlumot berdi

© Sputnik / Ramiz BaxtiyarovStroyka v odnoy iz vыsotok Tashken-siti priostanovlena iz-za palyaщego solntsa
Stroyka v odnoy iz vыsotok Tashken-siti priostanovlena iz-za palyaщego solntsa - Sputnik Oʻzbekiston, 1920, 18.07.2022
Obuna boʻlish
Yandex newsTelegram
Toshkentda 41 darajagacha boʻlgan maksimal issiq havo kuzatiladi
TOSHKENT, 18 iyul — Sputnik. Oʻzbekistonda bugun havo harorati +38...+43 daraja issiq boʻladi, deya xabar berdi Oʻzgidromet.
Qayd etilishicha, 18 iyul kuni Oʻzbekiston hududiga Turkmaniston orqali Eron hududlaridan issiq havo kirib kelishi davom etadi. Harorat foni +38...+43 daraja atrofida, shimolda, janubda va choʻl hududlaridagi baʼzi joylarda +44...+45 darajagacha boʻlgan quruq hamda issiq ob-havo boʻlishi kutilmoqda.
Choʻl hududlardagi baʼzi joylarda shamol 15-20 m/s gacha kuchayishi, ayrim joylarda chang-toʻzonlari kuzatilishi mumkin. Togʻlarda kutilayotgan yuqori harorat foni hisobiga Qirgʻiziston hududidan Fargʻona viloyati togʻ oldi va togʻli hududlari boʻyicha: Soʻx, Fargʻona tumanlarida va Soʻx, Shohimardon, Isfayramsoy daryolarida glyatsial (muz) sel-suv toshqin hodisalari yuzaga kelishi ehtimoli bor.
Poytaxtda havo quyoshli boʻladi. Maksimal harorat +39...+41 darajaga yetadi.
Togʻli hududlarda yogʻingarchilik kutilmaydi. Shamol 7-12 m/s tezlikda esadi, baʼzi joylarda shamol 15-20 m/s gacha kuchayishi, ayrim joylarda chang-toʻzonlari kuzatilishi mumkin. Havo harorati +30...+35 daraja boʻladi.
Yangiliklar lentasi
0