Jamiyat

Qoraqalpogʻistondagi voqealar oqibatida yetkazilgan zarar miqdori maʼlum boʻldi

© Press-slujba Generalnoy prokuraturы UzbekistanaGeneralnaya prokuratura Uzbekistana
Generalnaya prokuratura Uzbekistana - Sputnik Oʻzbekiston, 1920, 18.07.2022
Obuna boʻlish
Yandex newsTelegram
Ommaviy tartibsizliklar vaqtida jabrlangan yana 3 nafar fuqaro shifokorlarning saʼy-harakatlariga qaramasdan vafot etgan.
TOSHKENT, 18 iyul — Sputnik. Qoraqalpogʻistonda sodir boʻlgan ommaviy tartibsizliklar oqibatida fuqarolar va tadbirkorlarning mol-mulklari, davlat va ijtimoiy infratuzilma obʼyektlariga 3 mlrd 147 mln soʻm zarar yetkazilgan. Bu haqida AOKAda Bosh prokuratura axborot xizmati rahbari Hayot Shamsuddinov ishtirokida oʻtkazilgan brifingda maʼlum qilindi.
Qayd etilishicha, 16 iyul holatiga koʻra, hodisa yuz bergan hududlar va joylar ekspert va mutaxassislar ishtirokida toʻliq koʻzdan kechirilib, ishga aloqador boʻlishi mumkin boʻlgan 550 dan ortiq ashyo va narsalar rasmiylashtirildi.

“Tibbiy yordam soʻrab murojaat qilgan 274 nafar fuqaroga tegishli tibbiy yordam koʻrsatildi, shundan 16 nafar fuqaro tibbiy muassasalarda qolmoqda, afsuski, yana 3 nafar fuqaro ahvoli oʻta ogʻir boʻlgani bois, shifokorlarning saʼy-harakatlariga qaramasdan, vafot etdi”, - dedi Hayot Shamsuddinov.

Uning soʻzlariga koʻra, oʻz xizmat burchini bajarayotgan vaqtida tan jarohati olgan 141 nafar huquq-tartibot idoralari xodimi hamda sogʻligʻi va mulkiga zarar yetkazilgan 16 nafar fuqaro jabrlanuvchi deb eʼtirof etildi.
Shuningdek, jinoyat sodir etgan shaxslarni fosh etishga qaratilgan tadbirlar doirasida gumon qilinuvchi tariqasida jalb qilinib, belgilangan tartibda ushlangan fuqarolarning himoya huquqi advokat orqali amalga oshirishi toʻliq taʼminlangan.
Ularning ushlanganligi va qamoqqa olinganligi hamda saqlanayotgan joyi haqida yaqin qarindoshlariga belgilangan tartibda xabar berilgan.
Saqlash joylarida qonunda nazarda tutilgan barcha sharoitlar toʻla taʼminlangan. Ushlanganlarning sogʻligʻi va saqlash sharoitlari boʻyicha eʼtirozlari mavjud emas.
Aytilishicha, baʼzi xorijiy ijtimoiy tarmoqlarda voqeada ishtirok etgan ayrim fuqarolar bedarak yoʻqolganligi haqida mutlaqo asossiz va haqiqatga toʻgʻri kelmaydigan “feyk” xabarlar tarqatilmoqda.
Ushbu fuqarolarning bir qismi oʻz yashash uyida ekanliklari, bir qismi Qoraqalpogʻiston hududidan chetga chiqib ketganliklari, ayrimlari esa, umuman mavjud boʻlmagan shaxslar ekanligi aniqlandi.
Shuningdek, Hayot Shamsuddinov oʻz soʻzida fuqarolardan soxta va uydirma maʼlumotlarga ishonmasdan, oʻtkazilayotgan tergov va tezkor-qidiruv tadbirlari haqidagi haqqoniy maʼlumotlarni Bosh prokuratura Shtabi axborot manbalaridan olish kerakligini aytib oʻtdi.
Qolaversa, Qoraqalpogʻistonda roʻy bergan voqea-hodisalar yuzasidan biron-bir maʼlumotga yoki ishga aloqador ashyolarga ega boʻlsan fuqarolardan, ularni tergov-tezkor guruhiga taqdim etish soʻraldi.
Eslatib oʻtamiz, avvalroq Qoraqalpogʻistonda sodir boʻlgan voqealarni oʻrganish boʻyicha ishonch telefoni ishga tushirilgani maʼlum qilingandi. Unga koʻra, fuqarolar 1374 qisqa raqamli koll-markazga Qoraqalpogʻistondagi holat va sodir boʻlgan hodisalar yuzasidan oʻz murojaatlarini yoʻllashlari mumkin.
Yangiliklar lentasi
0