Jamiyat

Qoraqalpogʻistonda sodir boʻlgan voqealarni oʻrganish boʻyicha ishonch telefoni ishga tushirildi

Telefon - Sputnik Oʻzbekiston, 1920, 18.07.2022
Obuna boʻlish
Yandex newsTelegram
Fuqarolar iyul oyining ilk kunlarida Nukusda nimalar sodir boʻlgani haqida 1374 qisqa raqamiga qoʻngʻiroq qilib xabar berishlari mumkin.
TOSHKENT, 18 iyul — Sputnik. Qoraqalpogʻiston Respublikasida sodir boʻlgan voqealarni oʻrganish boʻyicha parlament komissiyasi tashabbusi bilan ishonch telefoni ishga tushirildi. Bu haqda Inson huquqlari boʻyicha vakil (ombudsman) xabar berdi.
Ombudsman Feruza Eshmatova boshchiligidagi komissiya 15 iyul kuni Senat va Qonunchilik palatasining qoʻshma qarori bilan tashkil etilib, 16 iyul kuni Qoraqalpogʻistonda ish boshlagan.
Endilikda fuqarolar 1374 qisqa raqamli koll-markazga Qoraqalpogʻistondagi holat va sodir boʻlgan hodisalar yuzasidan oʻz murojaatlarini yoʻllashlari mumkin.
Rasmiy maʼlumotlarga koʻra, Nukusdagi ommaviy tartibsizlik va buzgʻunchilik davomida 18 kishi vafot etgan, 250 nafardan ziyod kishi jarohat olgan. Oʻzbekiston hukumati 1–2 iyul kunlari Nukusda roʻy bergan voqelarani Oʻzbekiston Respublikasining konstitutsion tuzumi, hududiy yaxlitligi va birligini vayron qilishga urinish deb baholagan.
Bosh prokuratura Oʻzbekiston Jinoyat kodeksining 159-moddasi 4-qismi (Hokimiyatni bosib olish yoki konstitutsiyaviy tuzumni agʻdarib tashlash maqsadida fitna uyushtirish) va boshqa moddalar bilan qoʻzgʻatilgan jinoiy ish ochgan. Dastlabki tergov doirasida 14 nafar shaxs hibsga olingan.
Yangiliklar lentasi
0