Iqtisod

Banklar orqali naqd pul aylanmasi 36,4 foizga oshdi

© Sputnik / Zafar XalilovSum
Sum - Sputnik Oʻzbekiston, 1920, 19.07.2022
Obuna boʻlish
Yandex newsTelegram
Markaziy bank joriy yilning 6 oyi mobaynida muomalaga qoʻshimcha 11,8 trln soʻm naqd pullar chiqardi.
TOSHKENT, 19 iyul — Sputnik. Yanvar-iyun oylarida banklar orqali naqd pul aylanmasi hajmi 316,3 trln soʻmni tashkil etdi. Bu haqida Markaziy bank xabar berdi.
Qayd etilishicha, bu koʻrsatgich oʻtgan yilning mos davriga nisbatan 36,4 foizga oshgan.
Naqd pullar hajmi quyidagicha qayd etildi:
Bank kassalariga naqd pul tushumlari -152,3 trln soʻm.
Chiqim qilingan naqd pullar -164,0 trln soʻm.
Bank kassalariga jami naqd pul tushumlari oʻtgan yilning shu davriga nisbatan 32,0 foizga oshdi.
Savdo va xizmatlar sohasi tushumlarida 25,0 foiz (14,3 trln.soʻm) va bank xizmatlaridan naqd pul tushumlari 53,4 foiz (17,6 trln.soʻm) oʻsish koʻrsatgichini qayd etdi.
Natijada, jami tushumlar tarkibida savdo va xizmatlar sohasidan tushumlar ulushi 2,6 foizli bandga kamaydi.
Savdo va xizmatlar sohasidan jami tushumlar 114,7 trln soʻmni tashkil qildi.
Bank hisobraqamlariga quyidagicha kirim qilindi:
71,7 trln.soʻm naqd shaklda;
43 trln.soʻm terminallar orqali.
Bank kassalaridan va bankomatlardan berilgan naqd pullar oʻtgan yilning mos davriga nisbatan 40,8 foizga (47,5 trln.soʻm) oshishi kuzatildi.
Ushbu oʻsishning asosiy qismi bank kartalaridan naqd pul yechish hajmi 22,2 trln soʻmga (52,7 %) hamda banklar tomonidan naqd chet el valyutasini sotib olish uchun 13,6 trln soʻm (43,7%) oshishi hisobiga yuzaga keldi.
Shuningdek, joriy yilning birinchi yarim yilligida bank kartalariga kirim qilingan mablagʻlar oʻtgan yilning shu davriga nisbatan 80,6 foizga oshib, 229,2 trln soʻmni tashkil qildi.
Ushbu mablagʻlarning 80,1 trln soʻmi - pensiya, nafaqa va ish xaqi toʻlovlari, 67,9 trln soʻmi - xalqaro pul oʻtkazmalar boʻyicha va kartadan kartaga oʻtkazmalar, 47,1 trln soʻmi - naqd pulda va omonat hisobvaraqlardan bank kartalariga kirim qilingan mablagʻlar hissasiga toʻgʻri kelgan.
Ushbu davrda bank kartalaridagi 64,3 trln soʻmlik (28,1 foiz) mablagʻlar aholi tomonidan naqdlashtirib olingan.
Shundan, bankomatlar orqali 50,4 trln soʻmlik va bank kassalari orqali 13,9 trln soʻmlik naqd pullar yechilgan.
Markaziy bank joriy yilning 6 oyi mobaynida muomalaga qoʻshimcha 11,8 trln soʻm naqd pullar chiqardi.
1 iyul holatiga naqd pullarning umumiy pul massasidagi ulushi 25,6 foizni tashkil etdi.
Yangiliklar lentasi
0