Dunyoda

YEOII va Indoneziya erkin savdo zonasini yaratish boʻyicha muzokaralar oʻtkazmoqchi

© Sputnik / Taalaybek OroskulovFlagi stran YEAES. Arxivnoye foto
Flagi stran YEAES. Arxivnoye foto - Sputnik Oʻzbekiston, 1920, 19.07.2022
Obuna boʻlish
Yandex newsTelegram
YEOII va Indoneziya oʻrtasida erkin savdo zonasini yaratish boʻyicha muzokaralar boshlanishi mumkin.
TOSHKENT, 19 iyul — Sputnik. Yevroosiyo iqtisodiy ittifoqi (YEOII) va Indoneziya oʻrtasida erkin savdo hududi boʻyicha muzokaralar tez orada boshlanishi mumkin. Bu haqda Rossiyaning Indoneziyadagi elchisi Lyudmila Vorobyëva RIA Novostiga maʼlum qildi.
“Biz hozir YEOII va Indoneziya oʻrtasida erkin savdo zonasini yaratish boʻyicha muzokaralarni boshlash arafasida ekanligimizni taʼkidlay olaman”, - dedi Rossiyaning Indoneziyadagi diplomatik missiyasi rahbari.
“Bunday qaror allaqachon Yevroosiyo iqtisodiy ittifoqi Oliy kengashi tomonidan qabul qilingan va bu amalga oshirilishi kerak. Umid qilamizki, bu jarayon yil oxirigacha yoʻlga qoʻyiladi”, - deya qoʻshimcha qilgan Vorobyëva.
Oʻzbekiston 2020 yil dekabr oyida YEOIIda kuzatuvchi davlat maqomini olgan edi. Ittifoq 2014 yilda Rossiya, Belarus va Qozogʻiston oʻrtasida tuzilgan shartnoma asosida tashkil etilgan xalqaro tashkilotdir. Bu ittifoqqa 2015 yilda Armaniston va Qirgʻiziston aʼzo boʻlgan, Moldova va Kuba kuzatuvchi maqomiga ega.
YEOIIning maqsadi — aʼzo davlatlar aholisining turmush darajasini yuksaltirish borasida barqaror rivojlanish uchun sharoitlar yaratish, tovarlar, xizmatlar, kapital va ish resurslarining yagona bozorini shakllantirishga harakat qilish, global iqtisodiyot sharoitida milliy iqtisodiyotlarning raqobatbardoshligini oshirish, har tomonlama modernizatsiyalash va oʻzaro kooperatsiyani rivojlantirishdan iborat.
Yangiliklar lentasi
0