Sport

Oʻzbekistonlik aviamodelchilar Jahon va Yevroosiyo kuboklarida gʻolib boʻlishdi

© Sportni rivojlantirish vazirligi Oʻzbekistonlik aviamodelchilar Jahon va YevroOsiyo kuboglarida gʻolib boʻlishdi
Oʻzbekistonlik aviamodelchilar Jahon va YevroOsiyo kuboglarida gʻolib boʻlishdi - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Har ikki musobaqa bahslarida sportchilar umumjamoa hisobida 2-oʻrin sohibiga aylanishdi.
TOSHKENT, 20 iyul — Sputnik. Erkin uchar aviamodellar boʻyicha oʻtkazilgan Jahon kubogi va Yevroosiyo kubogi bahslarida oʻzbekistonlik sportchilar umumjamoa hisobida 2-oʻrin sohibiga aylanishdi. Bu haqida Sportni rivojlantirish vazirligi xabar berdi.
Qozogʻistonning Olmaota shahrida joylashgan Bayserke oʻquv-sport aerodromida erkin uchar aviamodellar boʻyicha kubogi musobaqalar oʻz yakuniga yetdi.
Unda turli davlatlardan kelgan 120 nafardan ortiq sportchi qatorida Oʻzbekiston Mudofaasiga koʻmaklashuvchi “Vatanparvar” tashkiloti aviamodel sportchilari ham ishtirok etishdi.
“Ishtirokchilar oʻzlari yaratgan samolyot modellari va ularning ochiq osmonda nechogʻlik parvoz qilish imkoniyatlariga ega ekanligini namoyon etishdi”, deyiladi xabarda.
Yakuniy natijalarga koʻra, sportchilar 1ta oltin, 2ta kumush va 3ta bronza medalini qoʻlga kiritishdi.
Qayd etilgan natijalar:
Jahon kubogi:
Vadim Vasilev (Toshkent shahri) – F-2 B sinfida, 1-oʻrin;
Aleksey Bundin (Toshkent viloyati) – F-1 A sinfida, 2-oʻrin;
Alisher Mirzayev (Fargʻona viloyati) – F-1 B sinfida, 3-oʻrin;
Valeriy Vardanyan (Fargʻona viloyati ) – F-1 S sinfida, 3-oʻrin.
Yevroosiyo kubogi:
Shamsiddin Bobonev (Toshkent viloyati) – F-1 A sinfida, 2-oʻrin;
Shavkat Ismatillayev (Toshkent shahri) – F-1 B sinfida, 3-oʻrin.
Maʼlumot uchun, “Vatanparvar” tashkiloti bir qator xalqaro sport tashkilotlari, jumladan, Xalqaro aeronavtika federatsiyasi (FAI)ning toʻlaqonli aʼzosi hisoblanadi.
Yangiliklar lentasi
0