Dunyoda

Putin, Raisiy va Erdogʻan Suriya boʻyicha nimalarga kelishib oldi?

© © POOLRabochiy vizit prezidenta Vladimira Putina v Iran
Rabochiy vizit prezidenta Vladimira Putina v Iran - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Rossiya rahbarining soʻzlariga koʻra, Suriya rasmiylari nazorati ostida boʻlmagan hududlardagi vaziyat alohida tashvish uygʻotmoqda.
TOSHKENT, 20 iyul — Sputnik. Kecha Eron poytaxti Tehronda Rossiya prezidenti Vladimir Putin, Eron rahbari Ibrohim Raisiy va Turkiya yetakchisi Rajab Tayyip Erdogʻan “Ostona formati” sammitida doirasida uch tomonlama muzokara oʻtkazdi.
Uchrashuvda Suriya inqirozini hal qilishda Ostona formatining dolzarbligi taʼkidlandi. Ostona formatining navbatdagi uchrashuvini oʻz vakillari ishtirokida 2022 yil oxirigacha oliy darajada oʻtkazishga kelishib olindi.
Rossiya, Eron va Turkiya Isroilning Suriyaga, jumladan, tinch aholi obʼyektlariga davom etayotgan hujumlarini qoraladi. Tomonlar Suriya inqirozini faqat suriyaliklarning oʻzlari tinch yoʻl bilan hal qilishlari mumkinligini tasdiqladi.
Rossiya rahbarining soʻzlariga koʻra, Suriya rasmiylari nazorati ostida boʻlmagan hududlardagi vaziyat alohida tashvish uygʻotmoqda.
“Ostona uchligi Suriyadagi vaziyatni toʻliq normallashtirish, mamlakatda mustahkam tinchlik va fuqarolar totuvligini oʻrnatishga qaratilgan ishlarda asosiy rol oʻynashda davom etishi kerak”, - dedi Putin.
Uchrashuvda Suriya yerlarida yangi voqelikni yaratishga urinishlar va Suriyaga qarshi barcha bir tomonlama sanktsiyalar rad etildi.
Suriyada turli nomlar ostida faoliyat yuritayotgan terrorchilarga qarshi kurashish tasdiqlandi. Tomonlar Idlibdagi vaziyatni koʻrib chiqdi va ushbu zonadagi vaziyatni normallashtirish boʻyicha saʼy-harakatlarni davom ettirishga kelishib oldi.
Vladimir Putinning taklifiga binoan keyingi safar uchrashuv Rossiyada oʻtkaziladigan boʻldi.
Yangiliklar lentasi
0