Rossiya

Putin Zelenskiy bilan uchrashish ehtimolini baholadi

© Sputnik / Grigoriy Sыsoyev / Fotobankka oʻtishPrezident RF Vladimir Putin
Prezident RF Vladimir Putin - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Rossiya va Ukraina oʻrtasida tinchlik muzokaralar boshlanishi rasmiy Kiyevning erishilgan kelishuvlarni bajarish istagiga bogʻliq, dedi Putin.
TOSHKENT, 20 iyul — Sputnik. Ukraina erishilgan kelishuvlarni bajarishdan bosh tortdi, hozir ham ularni bajarishni istamayyapti, dedi rossiya Federatsiyasi prezidenti Vladimir Putin Ukraina yetakchisi Zelenskiy bilan uchrashish imkoniyatini izohlar ekan.
Putinning taʼkidlashicha, Rossiya va Ukraina oʻrtasida tinchlik muzokaralar boshlanishi rasmiy Kiyevning erishilgan kelishuvlarni bajarish istagiga bogʻliq.
Rossiya yetakchisiga koʻra, mart oyi oxirida Istanbulda boʻlib oʻtgan muzokaralarda Moskva va Kiyev aslida kelishuvga erishgan, faqat uni amalda bajarish qolgan. Biroq Rossiya qoʻshinlari Ukrainaning markaziy mintaqalaridan olib chiqib ketilgandan soʻng, Kiyev rasmiylari kelishuvlarni amalga oshirishdan bosh tortgan.
“Kerakli shart-sharoitlarni yaratish uchun bizning qoʻshinlarimiz Ukraina markazidan, Kiyevdan chiqib ketishdi. Kiyev hukumati bu kelishuvlarni amalga oshirishdan bosh tortdi, garchi kelishuvlarga amalda erishilgan boʻlsa ham. Demak, yakuniy natija, albatta, vositachilarga emas, balki shartnoma tuzuvchi tomonlarning erishilgan kelishuvlarni bajarish istagiga bogʻliq. Bugun biz Kiyev rasmiylarida bunday istak yoʻqligini koʻrib turibmiz”, dedi Rossiya yetakchisi Eronga amaliy tashrifi yakunlari boʻyicha jurnalistlarga.
Vladimir Putin vositachilik xizmatlarini nafaqat Turkiya, balki Saudiya Arabistoni va Birlashgan Arab Amirliklari ham taklif qilgani, buning uchun Rossiya ulardan minnatdor ekanligini qoʻshimcha qildi.

Rossiya-Ukraina muzokaralari

Rossiya-Ukraina muzokaralari 28 fevralda, urush boshlaganidan toʻrt kun oʻtib oʻtkazila boshladi. Belarusda bir nechta uchrashuvlar boʻlib oʻtdi, keyin muzokarachilar video aloqa orqali muloqotni davom ettirdi. 10 mart kuni Turkiyaning Antaliya shahrida boʻlib oʻtgan diplomatik forum doirasida Turkiya Rossiya va Ukraina Tashqi ishlar vazirlari Sergey Lavrov va Dmitriy Kulebaning uchrashuvini tashkil qildi. 29 mart kuni esa Istanbulda yuzma-yuz muzokaralar boʻlib oʻtdi. Uning yakunlari boʻyicha Rossiya delegatsiyasi Ukraina tomonidan oʻrganib chiqiladigan va mamlakat rahbariyatiga yetkaziladigan aniq shakllangan pozitsiya va takliflarni oldi..
Biroq, keyinroq Rossiya tashqi ishlar vaziri Sergey Lavrov Ukraina muzokaralar jarayonini sekinlashtirish maqsadida oʻz takliflaridan voz kechib, koʻplab provokatsiyalar yaratayotganini aytdi.
Yangiliklar lentasi
0