Siyosat

Qoraqalpogʻiston deputatlari prezidentga murojaat yoʻllashdi

© Blagotvoritelnыy fond "Maxallya" Jokargы Kenes Respubliki Karakalpakstan

Jokargы Kenes Respubliki Karakalpakstan - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Joʻqorgʻi Kengesda Qoraqalpogʻistonda joriy etilgan favqulodda holatni bekor qilish masalasi koʻrib chiqildi.
TOSHKENT, 20 iyul — Sputnik. 20 iyul kuni Qoraqalpogʻiston Respublikasi Joʻqorgʻi Kengesining XXXI sessiyasida deputatlar Oʻzbekiston prezidentiga murojaat yoʻllash toʻgʻrisidagi qarorni qabul qildi.
JK matbuot xizmatining xabar berishicha, respublika parlamenti 2 iyuldan boshlab bir oy muddatga joriy etilgan favqulodda holatni yumshatishni soʻragan.
Avvalroq "Yangi Oʻzbekiston" gazetasi murojaatda favqulodda holatni bekor qilish va ommaviy tartibsizliklarni sodir etganlikda gumonlangan aybsiz fuqarolarni, xususan, yoshlarni afv etishni soʻragani haqida xabar bergan edi. Ayni vaqtda mazkur xabar tahrirlangan.
Avvalroq Qoraqalpogʻistondagi vaziyatning barqarorlashgani hisobga olib, komendantlik soatining amal qilish vaqti qisqartirilgandi.
Rasmiy maʼlumotlarga koʻra, Nukusdagi ommaviy tartibsizlik va buzgʻunchilik davomida 21 kishi vafot etgan, 250 nafardan ziyod kishi jarohat olgan. Qoraqalpogʻistonda sodir boʻlgan ommaviy tartibsizliklar oqibatida fuqarolar va tadbirkorlarning mol-mulklari, davlat va ijtimoiy infratuzilma obʼyektlariga 3 mlrd 147 mln soʻm zarar yetkazilgan.
Oʻzbekiston hukumati 1–2 iyul kunlari Nukusda roʻy bergan voqealarni Oʻzbekiston Respublikasining konstitutsion tuzumi, hududiy yaxlitligi va birligini vayron qilishga urinish deb baholagan.
Bosh prokuratura Oʻzbekiston Jinoyat kodeksining 159-moddasi 4-qismi (Hokimiyatni bosib olish yoki konstitutsiyaviy tuzumni agʻdarib tashlash maqsadida fitna uyushtirish) va boshqa moddalar bilan qoʻzgʻatilgan jinoiy ish ochgan. Dastlabki tergov doirasida 14 nafar shaxs hibsga olingan.
Yangiliklar lentasi
0