Jamiyat

Toshkentda Shota Rustaveli koʻchasi boʻylab tramvay harakatini tiklash rejalashtirilmoqda

© tashtrans.uzTramvay v Samarkande
Tramvay v Samarkande - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Tbilisi meriyasi Toshkent hokimligi Shota Rustaveli koʻchasi boʻylab tramvay liniyasini tiklashni rejalashtirayotgani haqida xabar berdi.
TOSHKENT, 20 iyul — Sputnik. Toshkent shahar hokimligi Shota Rustaveli koʻchasida "shahar ramzi" — tramvay harakatini qayta tiklashni rejalashtirmoqda. Bu haqda Tbilisi meriyasi matbuot xizmati Toshkent hokimining bayonotiga asoslangan holda xabar berdi.
Oʻzbekistonda Gruziya bosh vaziri Irakliy Garibashvili boshchiligida delegatsiya tarkibida tashrif bilan boʻlgan Tbilisi meri Kaxa Kaladze Toshkent shahar hokimi Jahongir Ortiqxoʻjayev bilan birgalikda Shota Rustaveli haykali poyiga gul qoʻygan.
Toshkent hokimining soʻzlariga koʻra, poytaxt hokimiyati Rustaveli koʻchasi boʻylab tramvay harakatini tiklashni rejalashtirmoqda.
Qayd etish joizki, Toshkent hokimligi hozircha bu borada rasmiy maʼlumot bermagan. Sputnik tahririyati izoh olish maqsadida hokimlikka soʻrov yoʻllagan.
Eslatib oʻtamiz, 2016 yilning 2 may kuni Toshkentda harakatlanayotgan soʻnggi tramvay yoʻnalishi — "Beshqayragʻoch" dahasi va Ippodrom oʻrtasida qatnovchi 17-yoʻnalish yopilgan va shu bilan poytaxt tramvayining 115 yillik tarixi yakunlangan edi. 2022 yil fevralida prezident Shavkat Mirziyoyev Toshkentga tramvayni qaytarish rejasi borligini maʼlum qilgan edi.
Maahlliy OAV maʼlumotlariga koʻra, Toshkentda tramvay qurilishi 2023 yildan boshlanishi kutilmoqda. Tramvay harakatini tashkil etish boʻyicha dastlabki ishlar boshlangan.

Mavzuga oid:

Belarus Toshkentda tramvayni tiklashda yordam berishga tayyorligini bildirdi
Toshkentda tramvay faoliyatini tiklash taklif qilindi
Yangiliklar lentasi
0