Iqtisod

Turkmaniston Oʻzbekistonga Kaspiy dengiziga “yetib olishga” yordam beradi

© Foto : Press-slujba "Uzbekiston temir yullari"Uzbekistan i Turkmenistan dogovorilis aktivizirovat perevozku gruzov cherez turkmenskiy port na Kaspii
Uzbekistan i Turkmenistan dogovorilis aktivizirovat perevozku gruzov cherez turkmenskiy port na Kaspii - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Oʻzbekiston Kaspiy dengizidagi Turkmaniston porti orqali yuk tashishni faollashtirish boʻyicha kelishuvga erishdi.
TOSHKENT, 20 iyul — Sputnik. Oʻzbekiston Kaspiy dengizidagi Turkmanboshi porti orqali xalqaro tranzit yoʻnalishlarida yuk tashishni faollashtiradi. Bu haqida “O’zbekiston temir yo’llari” matbuot xizmati xabar berdi.
Aytilishicha, Turkmaniston poytaxtida boʻlib oʻtayotgan Xalqaro transport forumida “O‘ztemiryo‘lkonteyner” AJ va “Turkmanboshi xalqaro dengiz porti” oʻrtasida hamkorlik memorandumi imzoladi.
“Tomonlar mavjud xalqaro multimodal transport yoʻnalishlaridan foydalangan holda yuk tashish hajmini oshirish boʻyicha tranzit salohiyatidan samarali foydalanishning eng optimal variantlarini oʻrganish maqsadida oʻzaro hamkorlikni rivojlantirishga kelishib oldilar”, deyiladi xabarda.
Kelishuvga koʻra, Turkmaniston tomoni xizmatlar roʻyxati va ularning narxi, preferentsiyalar, imtiyozlar va boshqa maʼlumotlarni taqdim etadi.
Oʻzbekiston yuk egalarini koʻrsatilayotgan xizmatlar roʻyxati va narxlari haqida “O‘ztemiryo‘lkonteyner” rasmiy veb-saytida xabardor qilib boradi.
Eslatib oʻtamiz, Turkmaniston prezidentining Oʻzbekistonga tashrifi davomida ikki mamlakat vazirlik va idoralari rahbarlari tomonidan 19 ta bitim imzolangandi. Ular orasida transport-tranzit sohasidagi hamkorlikni rivojlantirish toʻgʻrisida bitim ham bor.
Uchrashuv davomida tomonlar mintaqa mamlakatlarining noyob tranzit salohiyatidan samarali foydalanish uchun qulay sharoitlar yaratish, shu jumladan yuklarni tashish uchun oʻzaro imtiyoz va chegirmalar berishdan manfaatdor ekanliklarini bildirib oʻtishgan.
Yangiliklar lentasi
0