Amerika MRB rahbari Rossiya va Eron tufayli sochlari oqarganini tan oldi

© AFP 2023 / Kevin Dietsch/Getty ImagesDirektor SRU Uilyam Berns
Direktor SRU Uilyam Berns - Sputnik O‘zbekiston, 1920, 21.07.2022
Obuna bo‘lish
Uilyam Berns oqargan sochlarining aksariyati ruslar va eronliklar bilan olib borilgan muzokaralar natijasida paydo bo‘lganini aytdi.
TOShKENT, 21-iyul — Sputnik. AQSh Markaziy razvedka boshqarmasi (MRB) direktori Uilyam Berns ruslar va eronliklar bilan muzokaralardan so‘ng sochlari oqarib ketganini tan oldi.
“Tan olishim kerakki, men Rossiya prezidenti Vladimir Putin va Eron oliy rahbari (Ali Xomanaiy) uchrashuvi tasvirlarini qo‘msamayman, chunki boshimdagi oqargan sochlarning aksariyati yillar davomida ruslar va eronliklar bilan olib borilgan muzokaralar natijasida paydo bo‘lgan”, - dedi u.
Berns, shuningdek, seshanba kuni Tehronda bo‘lib o‘tgan ikki yetakchi uchrashuvining ahamiyati haqidagi savolga javob bergan.
“Agar bu kadrlar ortidan qarasak, Rossiya va Eron hozir bir-biriga kerak. Ikkala davlat ham og‘ir sanksiyalar ostida, ikkalasi ham siyosiy izolyatsiyadan chiqishi kerak. Ammo ularning bir-biriga muhtojligi ularning bir-biriga ishonishini anglatmaydi. Chunki ular energetika sohasida raqiblar va tarixiy raqiblar ham”, deb ta’kidladi Berns.
Ma’lumot o‘rnida, Berns o‘zining diplomatik faoliyati davomida AQShning Moskvadagi elchixonasida ishlagan, jumladan, 2005-2008 yillarda unga rahbarlik qilgan, shuningdek, 2008-2014 yillarda Eron bilan yadroviy kelishuv bo‘yicha muzokaralarda ishtirok etgan.
Yangiliklar lentasi
0