Jamiyat

Anomal issiq elektr taʼminotiga taʼsir oʻtkazmoqda - Energetika vazirligi

© Sputnik / Andrey Sorokin / Fotobankka oʻtishLinii elektroperedach v moroz, arxivnoye foto
Linii elektroperedach v moroz, arxivnoye foto - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Hududlarda transformator punktlari hamda kabel tarmoqlarida isteʼmol yuklamasi ortishi sababli nosozliklar kuzatilmoqda.
TOSHKENT, 21 iyul — Sputnik. Anomal issiq tufayli ayrim hududlardagi elektr taʼminotida nosozliklar yuzaga kelmoqda. Bu haqida Energetika vazirligi xabar berdi.
Qayd etilishicha, yuzaga kelayotgan nosozliklar maxsus brigadalar tomonidan zudlik bilan bartaraf etilmoqda.
“Nosozliklar ayrim joylardagi transformator punktlari hamda kabel tarmoqlarida isteʼmol yuklamasi ortishi sababli kuzatilmoqda”, deyiladi xabarda.
Ushbu elektr tarmoqlaridagi favqulodda holatlarni oldini olish va ularni bartaraf etish maqsadida hududlar boʻylab tunu-kun ishlaydigan 227 ta avariyaga qarshi maxsus brigadalar tashkil etilgan.
Eslatib oʻtamiz, avvalroq vazirlik fuqarolardan anomal issiq kunlarda elektr energiyasidan imkon qadar tejamkorlik bilan foydalanishlarini soʻragandi.
Barcha elektr stantsiyalarda 24 soatlik navbatchilik guruhlari tashkil etildi.
Isteʼmolchilar elektr energiyasi taʼminoti yuzasidan savollar yuzaga kelganda 11-54 qisqa raqami yoki Telegram’dagi (@HET_admin) adminstratorga murojaat qilishlari mumkin.
Yangiliklar lentasi
0