Jamiyat

Oʻzbekistonda Markaziy Osiyo va Rossiya mehnat inspektorlari ishtirokida forum oʻtkaziladi

© Sputnik / Vitaly Belousov / Fotobankka oʻtishRabochaya vstrecha vыsshix doljnostnыx lits SHOS, SNG, YEES i ODKB
Rabochaya vstrecha vыsshix doljnostnыx lits SHOS, SNG, YEES i ODKB - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Forumda Oʻzbekiston, Qozogʻiston, Qirgʻiziston, Tojikiston, Turkmaniston va Rossiya kabi davlatlardan 60 nafar ekspert ishtirok etadi.
TOSHKENT, 21 iyul — Sputnik. Oʻzbekistonda 9-12 avgust kunlari Markaziy Osiyo va Rossiya mehnat inspektorlarining birinchi mintaqaviy forumi boʻlib oʻtadi. Bu haqida Mehnat sohasidagi loyihalarni boshqarish markazi maʼlum qildi.
Unda Oʻzbekiston, Qozogʻiston, Qirgʻiziston, Tojikiston, Turkmaniston va Rossiya kabi davlatlardan 60 nafar ekspert ishtirok etadi.
Tadbirning asosiy maqsadi Markaziy Osiyo mintaqasi va Rossiyada mehnat sohasida davlat nazoratini amalga oshirish siyosatini ishlab chiqish va amalga oshirishda hamkorlikni mustahkamlashdan iborat.
Shuningdek, malaka oshirish hamda tajriba almashish orqali mehnat inspektorlarining bilim darajasi, ishchanligi va samaradorligini oshirish ham koʻzda tutilgan.
Forum doirasida muhokama etiladigan masalalar:
Ishtirokchi davlatlarning Davlat mehnat inspektsiyalari vakillari Xalqaro mehnat tashkilotining asosiy tamoyillari;
Migratsiya qonunchiligi;
“Vision zero” (Nol jarohatlar) kontsepsiyasi;
Ishlab chiqarishdagi baxtsiz hodisalarni tekshirish;
Qishloq xoʻjaligi sohasidagi mehnat qonunchiligi.
Shuningdek, davlat mehnat inspektorining shaxsiy va kasbiy oʻsishiga, emotsional boshqarish koʻnikmalariga va boshqalarga qaratilgan treninglar tashkil etiladi.
Tadbir yakunlari boʻyicha Markaziy Osiyo mintaqasida xavfsiz mehnat sharoitlarini taʼminlash va mehnat huquqlarini himoya qilishning zamonaviy mexanizmlarini joriy etish, jumladan, Oʻzbekiston Mehnat inspektsiyasining huquqiy va tashkiliy salohiyatini rivojlantirish va mustahkamlash boʻyicha yagona yondashuvlar ishlab chiqiladi.
Maʼlumot uchun, Mehnat inspektsiya ishining umumiy sifatini taʼminlashda inspektorlarning mehnat sharoitlari muhim rol oʻynaydi. Taxminan 175 yil davomida butun dunyo boʻylab inspektorlar koʻplab yoʻnalishlarda mehnat sharoitlarini yaxshilash ustida ishlamoqda.
Yangiliklar lentasi
0