Hodisalar

Qamchiq dovonida “benzovoz” va “Damas” toʻqnashdi, qurbonlar bor

© Foto: Namangan viloyati IIBQamchiq dovonida "benzovoz" va "Damas" ishtirokida YTH sodir boʻldi.
Qamchiq dovonida benzovoz va Damas ishtirokida YTH sodir boʻldi. - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Qamchiq dovonida MAN yonilgʻi tashuvchi yuk mashinasi "Damas"’ga borib urilgan. Natijada yongʻin chiqqan.
TOSHKENT, 21 iyul — Sputnik. Toshkent-Oʻsh avtomobil yoʻlining 222 kilometrida yonilgʻi tashuvchi yuk mashinasi va "Damas" ishtirokida yoʻl-transport hodisasi sodir boʻldi. Bu haqda Namangan viloyati IIB matbuot xizmati xabar berdi
21 iyul soat 00:05 larda Fargʻona vodiysidan Toshkentga harakatlanib borayotgan MAN rusumli yonilgʻi tashuvchi yuk avtomashinasi qarama-qarshi yoʻnalishga oʻtib ketib, "Damas"ga borib urilgan. Oqibatda hodisa joyida yongʻin yuzaga kelib, transport vositalari yonib zararlangan.
Yongʻin sodir boʻlgan hududda "Nexia" avtomashinasiga ham texnik shikast yetgan.
Xabarda yongʻin oqibatida vafot etganlar borligi taʼkidlangan, biroq ular soniga oydinlik kiritilmagan.
Hodisa joyida yongʻin asoratlari va tirbandlikni bartaraf etish boʻyicha ishlar olib borilmoqda.
Avvalroq Oʻzbekistonda yoʻl transport hodisalarida jarohat olish va oʻlim holatlari soni kamaygani xabar qilingan edi.
Yangiliklar lentasi
0