Rossiyaga qarshi sanksiyalar G‘arbni halokatga yetaklamoqda – fransiyalik iqtisodchi

© Sputnik / Aleksey VitviskiyLogotip Yevrosoyuza na zdanii shtab-kvartiri Yevropeyskogo parlamenta v Brussele
Logotip Yevrosoyuza na zdanii shtab-kvartiri Yevropeyskogo parlamenta v Brussele - Sputnik O‘zbekiston, 1920, 21.07.2022
Obuna bo‘lish
Filipp Villenning fikricha, Yevropa Markaziy banki rasmiylari yolg‘on gapirishmoqda.
TOShKENT, 21-iyul — Sputnik. Rossiyaga qarshi sanksiyalarni ilgari surayotgan yevropalik siyosatchilar G‘arbni halokatga yetaklashmoqda. Bu haqda bankir Filipp Villen “Le Figaro” fransuz nashri uchun maqolasida yozgan.
Moliyachi davlat rahbarlari “eng muhim yetkazib beruvchi davlatga, ya’ni Rossiyaga qarshi misli ko‘rilmagan sanksiyalar” joriy qilib, bu masalani o‘z saylovchilari va biznes vakillari bilan muhokama qilmaganidan g‘azablangan.
Xususan, bankirning yozishicha, energiya narxi allaqachon ko‘tarilgan, bu esa isitish xarajatlari, maishiy transport xarajatlari oshishiga va ularning qashshoqlashuviga olib keladi. Korxonalar o‘z xarajatlarining keskin o‘sishini qayd etishda davom etmoqda. Yevropada energiya narxi doimiy ravishda boshqa joylarga qaraganda ancha yuqori bo‘ladi.
“Shu bilan birga, Yevropa Markaziy banki rasmiylari “Yevropa Ittifoqidagi inflyatsiya pul-kredit va budjet siyosatining yetarli darajada qat’iy o‘tkazilmagani tufayli haddan tashqari qizib ketishdan kelib chiqqan deb tasavvur qilib, yolg‘on gapirmoqda”, - deyiladi maqolada.
Villen Yevropa Ittifoqining daromad zarbasi fuqarolar va korxonalar bizning ko‘r “yevrokratlar” siyosatimizga qarshi chiqishlari mumkin bo‘lgan siyosiy munozarani ochib beradi, deb umid qilmoqda.
“Axir, ular bizni (G‘arbni ) o‘zlarining bezbetlarcha yolg‘onlari bilan halokatga yetaklamoqda”, - deb xulosa qiladi Villen.
Avvalroq Amerikaning “Newsweek” nashri Rossiyaga qarshi sanksiyalar G‘arb uchun ko‘plab muammolarni keltirib chiqarganini, jumladan, barqaror inflyatsiyaning o‘sib borishi, benzin narxining keskin ko‘tarilishi va bir necha hafta qolgan isitish mavsumida tabiiy gaz ta’minoti barqarorligi haqidagi noaniqliklarni keltirib chiqarganini ta’kidlagan edi.
Moskva Donbassni ukrain millatchilaridan himoya qilish bo‘yicha maxsus operatsiya boshlaganidan so‘ng, AQSh, Yevropa Ittifoqi va Buyuk Britaniya unga qarshi sanksiyalar kiritdi. Ko‘pgina davlatlar Rossiya aktivlarini muzlatish haqida e’lon qilishdi, Rossiyadan energiyadan voz kechishga chaqiriqlar kuchaydi. Bu choralar G‘arbga jiddiy zarba bo‘ldi – ular inflyatsiyani kuchaytirdi, yoqilg‘i inqirozini keltirib chiqardi va oziq-ovqat narxlarining oshishiga olib keldi.

Mavzuga oid:

Yevropa sanksiyalar bilan o‘pkasiga “o‘q otdi”, endi bo‘g‘ilyapti – Orban
Sanksiyalar g‘arbga bumerang bo‘lib qaytmoqda – Yaponiya nashri
Sanksiyalar azobini AQSh va alyans davlatlari chekmoqda
Yangiliklar lentasi
0