Dunyoda

Toqayev: MO davlatlari rahbarlari sammitiga Rossiya va Xitoy vakillarini taklif etish mumkin

© Foto: press-slujba prezidenta Kazaxstana Prezident Kazaxstana Kasыm-Jomart Tokayev
Prezident Kazaxstana Kasыm-Jomart Tokayev  - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Rossiya va Xitoy kabi boshqa qoʻshni davlatlarning oliy vakillari taklif etilgan mehmon sifatida ishtirok etishlari mumkin.
TOSHKENT, 21 iyul — Sputnik. Qozogʻiston prezidenti Qosim-Jomart Toqayev Markaziy Osiyo davlatlari rahbarlarining uchrashuvlariga qoʻshni davlatlar, jumladan, Rossiya va Xitoy vakillarini taklif qilish fikrini ilgari surdi.
Uning qayd etishicha, nomintaqaviy strategik hamkorlar bilan hamkorlik masalalarida Qozogʻiston Markaziy Osiyo davlatlari oʻrtasida koʻp tomonlama formatlar doirasidagi oʻzaro hamkorlik kontseptsiyasini qabul qilish mumkin, deb hisoblaydi.
Toqayevning soʻzlariga koʻra, mintaqa davlatlari rahbarlari belgilangan geografik chegaralar doirasida qolib ketmasligi kerak.
“Markaziy Osiyo davlatlari rahbarlarining maslahat uchrashuvlari ishida Rossiya va Xitoy kabi boshqa qoʻshni davlatlarning oliy vakillari taklif etilgan mehmon sifatida ishtirok etishlari mumkin”, - dedi Toqayev Qirgʻizistondagi sammitda nutq soʻzlayotib.
Qirgʻizistonning Choʻlponota shahrida Markaziy Osiyo davlatlari rahbarlarining toʻrtinchi Maslahat uchrashuvi boʻlib oʻtmoqda. Unda, jumladan, Oʻzbekiston prezidenti Shavkat Mirziyoyev nutq soʻzlab, qator takliflarni ilgari surdi.
Yangiliklar lentasi
0