Jamiyat

Toshkentda ayollar uchun IT–klub ochildi

Rabota v ofise - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Endilikda klub aʼzolari har oy rasmiy va norasmiy qismlarni oʻz ichiga olgan tadbirlarni oʻtkazadi.
TOSHKENT, 21 iyul — Sputnik. Toshkentda ayollarni axborot texnologiyalari sohasiga jalb etishga qaratilgan "GAP" IT sohasida ayollar klubi loyihasi ishga tushirildi.
Loyihadan koʻzlangan asosiy maqsad xotin-qizlarni IT-sohasiga jalb qilish hamda ularning sohaga boʻlgan qiziqishini yanada oshirishdan iborat.
“Ayollarni AKT sohasida oʻqitish va rivojlantirish kelajakda ularga yuqori maoshli ish topish imkonini beradi. Bu, ayniqsa, oʻzlariga qulay jadvalda ishlashni orzu qiladigan ayollar va frilanserlar uchun aktual. Bundan tashqari, bu har bir ayolning oʻz daromadiga egaligi va moliyaviy jihatdan mustaqil boʻlishiga imkon yaratadi”, deyiladi xabarda.
Endilikda klub aʼzolari har oy rasmiy va norasmiy qismlarni oʻz ichiga olgan tadbirlarni oʻtkazadi.
Klub Axborot texnologiyalari va kommunikatsiyalarini rivojlantirish vazirligi tashabbusi bilan va IT Park hamkorligida ishga tushirildi.
Eslatib oʻtamiz, mamlakatda shu yilning 1-chorak yakunlari boʻyicha IT Park rezidentlari tomonidan koʻrsatilgan xizmatlarning umumiy hajmi 814 mlrd soʻmni tashkil etgandi.
IT Park rezidentlari eksporti hajmi ham barqaror oʻsishda davom etmoqda. Rezidentlar tomonidan koʻrsatilgan xizmatlarning hajmi oʻtgan yilning shu davriga nisbatan 186 foizga oʻsgan.
Yangiliklar lentasi
0