Rossiya

Volodin Baydenning Ukrainadagi maqsadlarini aytdi

© Sputnik / Stringer / Fotobankka oʻtishPrezident SSHA Djo Bayden
Prezident SSHA Djo Bayden - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Volodinga koʻra, Bayden hokimyatni saqlab qolish uchun Ukrainadagi jangovar harakatlarni davom ettirishga majbur.
TOSHKENT, 21 iyul — Sputnik. Amerika Qoʻshma Shtatlari prezidenti Jo Bayden hokimiyatni saqlab qolishi uchun Ukrainadagi jangovar harakatlarni davom ettirishi kerak, dedi Rossiya Davlat dumasi spikeri Vyacheslav Volodin.

“Uch yarim oydan soʻng AQShda Kongressga oraliq saylovlar boʻlib oʻtadi. Prezident Bayden oʻz tarafdorlarining koʻpchiligini oʻzida saqlab qolishi shart. Aks holda, unga impichment eʼlon qilinishi mumkin. Shunda u navbatdagi prezidentlik saylovlarida nomzod boʻlishi dargumon”, - deb hisoblaydi Volodin.

Duma spikeriga koʻra, bu saylovlarda Ukraina muhim rol oʻynaydi. Bayden hali vitse-prezident boʻlganida ham oʻz siyosiy hayotining ishtirokchisi va Maydanning faol tarafdori edi.
“Oq uyning Oval kabinetini egallab, u soʻnggi ukrainalikka qadar urush olib borishning mafkurasiga aylandi va Donbassdagi holatni tinch yoʻl bilan hal qilinishiga yoʻl qoʻymaslik uchun hamma narsani qildi. Bayden hokimiyatni saqlab qolishi uchun Ukrainada jangovar harakatlar davom etishi kerak. Uning boshqa tanlovi yoʻq”, - dedi u.
Volodinning qoʻshimcha qilishicha, oʻz vaqtida Bayden Kiyevdagi davlat toʻntarishini, natsistlar rejimini qoʻllab-quvvatlagan. Bugun esa oʻz kuchiga yopishib, butun dunyoni qurolli toʻqnashuv hamda iqtisodiy inqirozga solib qoʻymoqda.
“AQShda inflyatsiya soʻnggi 40 yil ichida rekord darajaga yetdi, Yevropa Ittifoqida narxlarning oʻsishi hisob-kitoblar tarixidagi eng yuqori koʻrsatkichdir. Ayni paytda Ukraina oʻz suverenitetini yoʻqotdi va oʻz-oʻzidan parchalanish arafasida turibdi”, - dedi u.

“Baydenning prezidentligi bunday qurbonliklarga arziydimi?”, -degan savolni ham oʻrtaga qoʻydi duma spikeri.

Yangiliklar lentasi
0