Jamiyat

Haydovchilik guvohnomasini qayta tiklash uchun imtihon topshirish bekor qilindi

Voditel za rulem - Sputnik Oʻzbekiston, 1920, 22.07.2022
Obuna boʻlish
Yandex newsTelegram
Guvohnomalar maʼlumotlar bazasidan tekshirilgandan soʻng imtihonlarsiz beriladi.
TOSHKENT, 22 iyul — Sputnik. Yoʻqotilgan milliy haydovchilik guvohnomasini qayta tiklash uchun imtihon topshirish tizimi bekor qilindi. Bu haqida Vazirlar Mahkamasi tomonidan qabul qilingan 393-sonli qarorda nazarda tutilgan.
Kiritilgan oʻzgarishlarga koʻra, yoʻqotilgan haydovchilik guvohnomasining dublikati transport vositasini boshqarish huquqidan mahrum etilgan haydovchilik guvohnomalari maʼlumotlar bazasidan tekshirilgandan soʻng imtihonlarsiz beriladi.
Milliy haydovchilik guvohnomalari blankalari plastik shaklda Vazirlar Mahkamasi tomonidan tasdiqlangan namunaga muvofiq YHXX buyurtmasiga asosan tayyorlanadi. Buyurtma 6 oylik doimiy zaxira boʻlishini inobatga olib beriladi.
Shuningdek, hujjatga muvofiq, 2023 yil 1 yanvargacha Yoʻl harakati xavfsizligi xizmatining avtomatlashtirilgan Yagona axborot tizimi ishga tushiriladi.
Qolaversa, shu yil 1 noyabrdan haydovchilik uchun beriladigan tibbiy maʼlumotlarning yagona elektron bazasi shakllantiriladi va Yagona axborot tizimiga integratsiya qilinadi.
Maʼlumot uchun, avvalgi qonunchilikka koʻra, guvohnoma dublikati nazariy va amaliy imtihonlarni topshirgandan soʻng berilgan.
Vakolatli idora hujjatlari bilan tasdiqlangan oʻgʻirlik, yongʻin, tabiiy ofat va shunga oʻxshash sabablarga koʻra yoʻqotish holatlari bundan mustasno.
Yangiliklar lentasi
0