Dunyoda

Ukrainada Rossiya gazini oʻgʻirlash taklif qilindi

© Sputnik / StringerKompleks podgotovki eksportnogo gaza na Ukraine.
Kompleks podgotovki eksportnogo gaza na Ukraine. - Sputnik Oʻzbekiston, 1920, 22.07.2022
Obuna boʻlish
Yandex newsTelegram
Deputat Razumkov Rossiya gazini tranzit quvurlaridan oʻgʻirlashni taklif qildi.
TOSHKENT, 22 iyul — Sputnik. Ukraina oʻz hududidan oʻtuvchi tranzit quvurlaridan Rossiya gazini oʻgʻirlashni boshlashi kerak, dedi Oliy Rada deputati va sobiq spikeri, hukmron “Xalq xizmatkori” partiyasining sobiq rahbari Dmitriy Razumkov “Ukrayinskaya pravda” ruknida.
RIA Novostining qayd etishicha, Razumkov Kiyev oʻz hamkorlari oldidagi tranzit majburiyatlarini bajarishi kerakligini tan olgan, biroq Ukrainaning energetika muammolarini Rossiya tomonining huquqlarini buzish orqali hal qilishni taklif qilgan.
“Rossiya gazining ortigʻi qonun bilan musodara qilinishi va omborlarimizga quyilishi kerak. Chunki paradoksal vaziyat yuzaga kelmoqda — biz har kuni millionlab kubometr rus gazini quyamiz va oʻz omborlarimizni zarur zaxiralar bilan taʼminlamaymiz”, - deya yozib qoldirgan u.
Razumkovning qoʻshimcha qilishicha, buning uchun Ukraina hukumati “Naftogaz” bilan birgalikda sanoatni rivojlantirishning strategik rejasini ishlab chiqishi kerak.
Qayd etilishicha, hozirda Ukrainada 11 milliard kub metrga yaqin gaz zaxirasi mavjud. Kuzda omborga yana qancha gaz quyilishi hozircha nomaʼlum.
Oʻtgan yilning 7 oktyabrida prezidentning “Xalq xizmatchisi” fraktsiyasi tashabbusi bilan Rada Razumkovni spikerlikdan chaqirib oldi. U bu lavozimda 2019 yil 29 avgustdan boshlab faoliyat yuritayotgan edi. 2019 yilning mayidan dekabrigacha Razumkov “Xalq xizmatkori” partiyasining rahbari boʻlgan, u Radaga saylov roʻyxatining birinchi raqami bilan kirgan. Isteʼfoga chiqqanidan soʻng u “Oqilona siyosat” fraktsiyalararo assotsiatsiyasini tuzdi.
Yangiliklar lentasi
0