Jamiyat

Oʻzbekiston musulmonlari pravoslav madaniyat markazi qurilishini qoʻllab-quvvatladi

© Sputnik / Sergey Pyatakov / Fotobankka oʻtishMitropolit Tashkentskiy i Uzbekistanskiy Vikentiy. Arxivnoye foto
Mitropolit Tashkentskiy i Uzbekistanskiy Vikentiy. Arxivnoye foto - Sputnik Oʻzbekiston, 1920, 23.07.2022
Obuna boʻlish
Yandex newsTelegram
Yangi meʼmoriy obʼyekt Toshkent shahridagi Islom tsivilizatsiyasi markazi yonida barpo etiladi.
Anastasiya Svirina. Islom sivilizatsiyasi markazi va pravoslav madaniyati markazi - yaqin kelajakda Oʻzbekistonda paydo boʻladigan ikkita yangi binodir.
Markaziy Osiyo mitropolit okrugi rahbari, Toshkent va Oʻzbekiston mitropoliti Vikentiy Moskvada diniy mavzudagi davra suhbati boshlanishidan oldin arxitektura obʼyektlari qurilishi haqida Sputnik muxbiriga soʻzlab berdi.
Davra suhbatining mavzusi – “MDH davlatlari diniy birlashmalarining ekstremizm va terrorizmning oldini olishda tutgan oʻrni”. Oʻzbekiston bu borada Hamdoʻstlik davlatlaridagi hamkasblari bilan qanday tajriba bilan oʻrtoqlashgani haqida Sputnik materialida.

150 yillik tajriba

“Islom tsivilizatsiyasi markazi va pravoslav madaniyati markazi hozir birga, yonma-yon qurilmoqda. Bu ishga prezident (Shavkat Mirziyoyev – Sputnik), hukumat, jamoat yordam bermoqda. Hatto oddiy musulmonlar ham pravoslav markaziga mablagʻ ehson qilmoqda”, — dedi mitropolit Vikentiy forumdagi chiqishi chogʻida.
Uning soʻzlariga koʻra, bu fakt Oʻzbekiston fuqarolari oʻrtasidagi yaxshi munosabatlarning yaqqol koʻrsatadi. Bundan tashqari, Vikentiy rus pravoslav cherkovi Oʻzbekistonda 150 yildan beri mavjudligini eslatdi. Va bu vaqt ichida respublikada diniy sabablarga koʻra birorta ham nizo boʻlmagan.
Ayni paytda axloq va maʼnaviyat tarbiyasi mamlakat uchun iqtisodiyotni rivojlantirish kabi muhim rol oʻynaydi, chunki bu barqarorlikni taʼminlaydi va din bilan bogʻliq har qanday igʻvolar xavfini kamaytiradi, dedi mitropolit. Uning soʻzlariga koʻra, birinchi navbatda, mamlakat hukumai bundan xabardor, buni kamida ikkita misol koʻrsatib turibdi.
Vikentiy birinchi navbatda Oʻzbekistonda ikkita - Chirchiqda erkaklar va Doʻstobodda ayollar monastirlari qayta tiklanganini taʼkidladi. Bu qadamni Shavkat Mirziyoyev shaxsiy mablagʻi bilan qoʻllab-quvvatladi, dedi mitropolit. Shu bilan birga, bosh vaziri Abdulla Aripov tufayli Toshkentdagi avliyo Georgiy butxonasi qayta tiklandi.

Dinni onlayn oʻrganish

Ekstremizmga qarshi kurashishda aholining taʼlim sifati va diniy bilimlarini oshirish, albatta, katta ahamiyat kasb etadi, – deydi Oʻzbekiston musulmonlari idorasi raisi birinchi oʻrinbosari Xamidjon Ishmatbekov.
Uning soʻzlariga koʻra, Oʻzbekistonda oxirgi yillarda diniy taʼlim sifatini oshirish boʻyicha qator islohotlar amalga oshirildi. Xususan, mamlakatda 13 ta kasbiy diniy taʼlim muassasasi faoliyat koʻrsatmoqda. Bundan tashqari, Oʻzbekistonda islom dini haqidagi notoʻgʻri maʼlumotlar tarqalishining oldini olish maqsadida Qurʼon oʻrganish kurslari va din boʻyicha onlayn darslar yoʻlga qoʻyildi.
Oʻzbekistonda diniy adabiyotlar ikki tilda – oʻzbek va rus tillarida chop etilishi muhim, - dedi Ishmatbekov.
Bu tajriba Rossiya uchun qiziqarli, chunki Oʻzbekiston kabi bu davlat ham koʻp millatli. Shu bois, koʻplab diniy jarayonlar oʻxshash tarzda davom etmoqda, deb hisoblaydi Rossiya musulmonlari diniy idorasi rahbari, Albir Krganov.
"Masalan, yaqinda Chuvashiyada qishloqda pravoslav cherkovi ochildi. Bu qishloqning yarmi pravoslav, yarmi musulmonlar. Cherkovning ochilish kunida musulmonlar pravoslav qishloqdoshlariga katta chiroyli gilam sovgʻa qilishdi. Bunday insoniy munosabatlar odamlarni juda yaqinlashtiradi. Oʻzbekiston, Qozogʻiston, Qirgʻiziston, Turkmaniston, Tojikiston - hamma joyda turli din vakillari oʻrtasida bunday yaxshi munosabatlarning ijobiy tajribasi bor", - deb xulosa qildi u.
Yangiliklar lentasi
0