https://oz.sputniknews.uz/20220724/qozogiston-va-qirgiziston-prezidentlari-mirziyoevni-tugilgan-kuni-bilan-muborakbod-etishdi-26472959.html
Qozog‘iston va Qirg‘iziston prezidentlari Mirziyoyevni tug‘ilgan kuni bilan muborakbod etishdi
Qozog‘iston va Qirg‘iziston prezidentlari Mirziyoyevni tug‘ilgan kuni bilan muborakbod etishdi
Sputnik O‘zbekiston
Shavkat Mirziyoyev Qozog‘iston va Qirg‘iziston yetakchilari bilan telefon orqali muloqot qildi. 24.07.2022, Sputnik O‘zbekiston
2022-07-24T13:34+0500
2022-07-24T13:34+0500
2022-07-24T13:34+0500
siyosat
shavkat mirziyoyev
sadir japarov
qasim-jomart toqayev
https://cdn1.img.sputniknews.uz/img/07e6/07/04/25885424_202:112:1200:673_1920x0_80_0_0_d947dac584d6e15b4104147f059eee9c.jpg
TOShKENT, 24-iyul – Sputnik. O‘zbekiston prezidenti Shavkat Mirziyoyev 24-iyul kuni Qozog‘iston va Qirg‘iziston yetakchilari Qasim Jomart-Toqayev va Sadir Japarov bilan telefon orqali muloqot qildi.Qo‘shni davlat yetakchilari suhbat avvalida Shavkat Mirziyoyevni tavallud ayyomi bilan samimiy muborakbod etib, birodar O‘zbekiston xalqiga tinchlik-osoyishtalik, farovonlik va ravnaq tilashdi.Mirziyoyev Toqayev bilan O‘zbekiston va Qozog‘iston o‘rtasidagi strategik sheriklik va ittifoqchilik munosabatlarini yanada mustahkamlash, ko‘p qirrali hamkorlikni kengaytirish masalalarini ko‘rib chiqdi.Savdo va logistika, sanoat va agrosanoat sohalarida kooperatsiya loyihalarini jadallashtirish muhimligi qayd etildi. O‘zbekiston va Qozog‘iston hukumatlari darajasida yaqindan aloqalarni davom ettirishga kelishib olindi.Mintaqada yirik infratuzilmaviy loyihalarni tez fursatda tayyorlash va amalga oshirishni boshlash masalalariga alohida e’tibor qaratildi.O‘zbekiston rahbari Sadir Japarov bilan suhbatda bo‘lajak oliy darajadagi uchrashuvlarning kun tartibini tayyorlash masalalarini muhokama qildi.Ikki mamlakat hukumatlari savdo shartnomalari va sanoat kooperatsiyasi bitimlarining yangi to‘plamini, shuningdek, O‘zbekiston-Qirg‘iziston strategik sherikligining ustuvor yo‘nalishlari bo‘yicha boshqa ikki tomonlama hujjatlarni tayyorlashi muhimligi qayd etildi.Energetika va transport sohalaridagi yirik mintaqaviy loyihalarni ilgari surishga alohida e’tibor qaratildi.Mirziyoyev Qirg‘iziston prezidentini joriy yil 20-21 iyul kunlari Cho‘lponota shahrida Markaziy Osiyo davlatlari rahbarlarining navbatdagi Maslahat uchrashuvi muvaffaqiyatli o‘tkazilgani bilan yana bir bor tabrikladi.Avvalroq Shavkat Mirziyoyevni tavallud kuni bilan Tojikiston rahbari Emomali Rahmon tabriklagani xabar qilingan edi.
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2022
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
siyosat, shavkat mirziyoyev, sadir japarov, qasim-jomart toqayev
siyosat, shavkat mirziyoyev, sadir japarov, qasim-jomart toqayev
Qozog‘iston va Qirg‘iziston prezidentlari Mirziyoyevni tug‘ilgan kuni bilan muborakbod etishdi
Shavkat Mirziyoyev Qozog‘iston va Qirg‘iziston yetakchilari bilan telefon orqali muloqot qildi.
TOShKENT, 24-iyul – Sputnik. O‘zbekiston prezidenti Shavkat Mirziyoyev 24-iyul kuni Qozog‘iston va Qirg‘iziston yetakchilari Qasim Jomart-Toqayev va Sadir Japarov bilan telefon orqali muloqot qildi.
Qo‘shni davlat yetakchilari suhbat avvalida Shavkat Mirziyoyevni tavallud ayyomi bilan samimiy muborakbod etib, birodar O‘zbekiston xalqiga tinchlik-osoyishtalik, farovonlik va ravnaq tilashdi.
Mirziyoyev Toqayev bilan O‘zbekiston va Qozog‘iston o‘rtasidagi strategik sheriklik va ittifoqchilik munosabatlarini yanada mustahkamlash, ko‘p qirrali hamkorlikni kengaytirish masalalarini
ko‘rib chiqdi.Savdo va logistika, sanoat va agrosanoat sohalarida kooperatsiya loyihalarini jadallashtirish muhimligi qayd etildi. O‘zbekiston va Qozog‘iston hukumatlari darajasida yaqindan aloqalarni davom ettirishga kelishib olindi.
Mintaqada yirik infratuzilmaviy loyihalarni tez fursatda tayyorlash va amalga oshirishni boshlash masalalariga alohida e’tibor qaratildi.
O‘zbekiston rahbari Sadir Japarov bilan suhbatda bo‘lajak oliy darajadagi uchrashuvlarning kun tartibini tayyorlash masalalarini
muhokama qildi.Ikki mamlakat hukumatlari savdo shartnomalari va sanoat kooperatsiyasi bitimlarining yangi to‘plamini, shuningdek, O‘zbekiston-Qirg‘iziston strategik sherikligining ustuvor yo‘nalishlari bo‘yicha boshqa ikki tomonlama hujjatlarni tayyorlashi muhimligi qayd etildi.
Energetika va transport sohalaridagi yirik mintaqaviy loyihalarni ilgari surishga alohida e’tibor qaratildi.
Mirziyoyev Qirg‘iziston prezidentini joriy yil 20-21 iyul kunlari Cho‘lponota shahrida Markaziy Osiyo davlatlari rahbarlarining navbatdagi Maslahat uchrashuvi muvaffaqiyatli o‘tkazilgani bilan yana bir bor tabrikladi.
Avvalroq Shavkat Mirziyoyevni tavallud kuni bilan Tojikiston rahbari Emomali Rahmon tabriklagani
xabar qilingan edi.
