Dunyoda

“Rossiya haq”: Gretsiyada taniqli siyosatchi shunday shior bilan saylovda qatnashmoqchi

© AP Photo / Yorgos KarahalisPanayotis Lafazanis, arxivnoye foto
Panayotis Lafazanis, arxivnoye foto - Sputnik Oʻzbekiston, 1920, 24.07.2022
Obuna boʻlish
Yandex newsTelegram
Saylovoldi plakatida siyosatchining oʻzi esa Rossiya harbiylari Ukrainadagi maxsus harbiy operatsiya davomida foydalanayotgan “Z” harfi belgisi bilan birga tasvirlangan.
TOSHKENT, 24 iyul – Sputnik. Gretsiyaning sobiq energetika vaziri Panayotis Lafazanis “Rossiya haq” deb yozilgan saylovoldi plakatini taqdim etdi, deb xabar qilmoqda Pronews.gr.
Siyosatchi oʻzining “Milliy ozod boʻlish demokratik harakati” yangi partiyasini shunday targʻib qilmoqda.
“Rossiya haq. AQSH va NATO Ukrainani jahannamga aylantirdi, ular sayyorani jarlik sari yetaklashmoqda, Yevropani yoʻq qilishmoqda, Gretsiyani xonavayron va mayib qilishmoqda. Chirigan, poraxoʻr, oligarx va qul siyosiy rejimini agʻdarib tashlang!”, - deya yozilgan plakatda.
Siyosatchining oʻzi esa Rossiya harbiylari Ukrainadagi maxsus harbiy operatsiya davomida foydalanayotgan “Z” harfi belgisi bilan birga tasvirlangan.
Panayotis Lafazanis 9 may kuniga bagʻishlangan Afinadagi 1941-1944 yillarda Gretsiya ozodligi va mustaqilligi uchun qurbon boʻlgan sovet jangchilari haykali oldidagi mitingda qatnashib, oʻshanda yangi soʻl partiya tuzish niyati borligini maʼlum qilgan edi.
Gretsiyaning sobiq bosh vaziri Aleksis Tsipras hukumatida Lafazanis Energetika vazirligiga rahbarlik qilgan. 2015 yili u maslakdoshlari bilan hukmron partiya SIRIZA siyosati keskin oʻzgargandan soʻng norozilik belgisi sifatida Vazirlar mahkamasi tarkibidan chiqib, “Xalq birligi” partiyasini tuzgandi. 2015 yildan 2019 yil 2 iyunigacha uning yetakchisi boʻldi.
Lafazanisning soʻzlariga koʻra, uning yangi partiyasining maqsadi “Gretsiyaning yangi ozod boʻlishi” boʻladi. Siyosatchi Rossiya Ukrainada haq ekanini taʼkidlagan. “Bizda tinchlik boʻlishi uchun, Yevropa va dunyoda yaxshi muhimt boʻlishi uchun u gʻalaba qozonishi kerak. Boshqa yechim yoʻq”, - deb hisoblaydi u.
Rossiya 24 fevral kuni Ukrainada maxsus harbiy operatsiya boshlanganini eʼlon qildi. Rossiya prezidenti Vladimir Putin ushbu operatsiyaning maqsadi "sakkiz yil davomida Kiyev rejimi tomonidan Donbassda tahqirlangan va genotsidga uchragan odamlarni himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yoʻq qilish) va denatsifikatsiya (millatchilik gʻoyalaridan tozalash) qilish talab etiladi.
Yangiliklar lentasi
0