Jamiyat

Xorijdan Oʻzbekiston tibbiyot OTMlariga oʻqishini koʻchirmoqchi boʻlganlar necha ball toʻplashi kerak

© Sputnik / Vitaliy Timkiv / Fotobankka oʻtishUrok ximii
Urok ximii - Sputnik Oʻzbekiston, 1920, 24.07.2022
Obuna boʻlish
Yandex newsTelegram
SSV xorijiy va nodavlat OTMlardan oʻqishni koʻchirishda necha ball talab etilishini maʼlum qildi
TOSHKENT, 24 iyul – Sputnik. Sogʻliqni saqlash vazirligi matbuot xizmati xorijiy va nodavlat oliy taʼlim muassasalaridan Oʻzbekistonga oʻqishni koʻchirish uchun 129 ball toʻplash talab etilishini maʼlum qildi.
Maʼlum qilinishicha, 2022/2023-oʻquv yili uchun xorijiy va nodavlat oliy taʼlim muassasalaridan talabalar oʻqishini koʻchirish boʻyicha arizalar my.dtm.uz tizimi orqali qabul qilinadi.
Xorijiy mamlakatlarda faoliyat yuritayotgan (jumladan, xalqaro tan olingan reytinglarda birinchi 1000 ta oʻrindan birini egallagan) oliy taʼlim tashkilotlaridan davlat OTMlarning mos va turdosh taʼlim yoʻnalishlariga koʻchirishda taʼlim yoʻnalishlari boʻyicha Davlat test markazi tomonidan test sinovlari oʻtkaziladi.
Oliy va oʻrta maxsus taʼlim vazirligi va tizimida OTMlari boʻlgan vazirlik va idoralar test sinovlari boʻyicha oʻtish ballarini har yili 15 iyulga qadar belgilaydi. Ular Davlat test markazining rasmiy veb-saytida eʼlon qilinadi.
Jumladan, tibbiyot yoʻnalishida bu yil xorijiy yoki nodavlat OTMdan oʻqishni koʻchirish uchun talaba 129 ball toʻplashi talab etiladi. Oʻtish ballidan past natija toʻplagan talabalar bakalavriatga qabul qilishdagi tartibga muvofiq, tabaqalashtirilgan toʻlov-kontrakt asosida talabalar safiga qoʻshiladi.
Xorijiy mamlakatlarda faoliyat yuritayotgan OTMdan davlat oliy taʼlim muassasalarining mos va turdosh boʻlmagan taʼlim yoʻnalishlariga koʻchirishga ruxsat etilmaydi.
Yangiliklar lentasi
0