Madaniyat

Rossiya fondida avval yoʻqolgan deb hisoblangan 100 ta oʻzbek multfilmi topildi

© Sputnik / Sergey Pyatakov / Fotobankka oʻtishGosfilmofond Rossii
Gosfilmofond Rossii - Sputnik Oʻzbekiston, 1920, 25.07.2022
Obuna boʻlish
Yandex newsTelegram
Kinolentalar avval yoʻqolgan deb hisoblangan. Ayni paytda barcha multplikatsion lentalar Oʻzbekistonga keltirilgan.
TOSHKENT, 25 iyul- Sputnik. Rossiya davlat film fondidan qariyb 100 ta Oʻzbekistonda suratga olingan multfilmlar topildi. Bu haqida Sputnik muxbiri Oʻzbekiston madaniy merosini oʻrganish, saqlash va ommalashtirish boʻyicha Butunjahon jamiyatining VI Xalqaro kongressidan xabar berdi
Avval ushbu kinolentalar yoʻqolgan deb hisoblangan. Biroq Rossiya davlat film fondi xodimlari Oʻzbekiston tomonining iltimosi bilan arxivlarni qidirishgan va multfilm lentalarini topishgan.
Ayni paytda barcha multplikatsion lentalar Oʻzbekistonda. Bu haqida xalqaro kongressning “Media va Oʻzbekiston madaniy merosini saqlash” davra suhbatida maʼlum qilindi. Yaqin kunlarda Oʻzbekiston kinematografiya agentligi topilgan multfilmlar roʻyxatini taqdim etadi.
Eslatib oʻtamiz, Samarqandda 22-24 kunlari Butunjahon jamiyatining “Oʻzbekiston madaniy merosi - yangi Renessans poydevori” VI Xalqaro kongressi boʻlib oʻtdi.
Kongressning asosiy voqeasi “Oʻzbekiston madaniy merosi jahon toʻplamlarida” turkumidagi oʻnta yangi jildli kitob-albomlarning taqdimoti boʻldi. Illyustratsiyali kitoblar toʻplami allaqachon 60 jildga yetdi. Dunyoning 25 tadan ziyod mamlakatlaridan 350 dan ortiq olimlar, 100 yirik kutubxona va muzeylar toʻplam ustida ish olib borishgan.
Kongressda 250 dan ortiq dunyoga mashhur sharqshunos olimlar, xalqaro muzeylar direktorlari, akademiklar, professorlar, fan doktorlari qatnashgan.
Tadbir Oʻzbekiston madaniy merosini oʻrganish, asrash va ommalashtirish boʻyicha Butunjahon jamiyati tomonidan oʻndan ortiq xalqaro va beshta milliy tashkilot koʻmagida tashkil etildi.
Yangiliklar lentasi
0