Siyosat

Norov: Afgʻonistonning xorijdagi aktivlariga qoʻyilgan cheklovlarni olib tashlash muhim

© Foto: MID UzbekistanaVladimir Norov
Vladimir Norov - Sputnik Oʻzbekiston, 1920, 26.07.2022
Obuna boʻlish
Yandex newsTelegram
Toshkentdagi xalqaro konferentsiyada Norov Afgʻonistonning xorijdagi moliyaviy aktivlariga qoʻyilgan cheklovlar olib tashlanishi muhimligini qayd etdi
TOSHKENT, 26 iyul — Sputnik. Oʻzbekiston tashqi ishlar vaziri vazifasini bajaruvchi Vladimir Norov Afgʻonistonning xorijdagi moliyaviy aktivlariga qoʻyilgan cheklovlarni olib tashlash muhim ekanligini qayd etdi, deb xabar bermoqda Sputnik muxbiri.

“Afgʻonistonning xorijdagi moliyaviy aktivlariga qoʻyilgan cheklovlarning olib tashlanishi afgʻon iqtisodiyotini tiklash, muhim infratuzilma loyihalarini amalga oshirish hamda bugungi kunda ushbu doʻst mamlakat xalqi oldida turgan oʻtkir ijtimoiy muammolarni hal etishning asosiy omillaridan biridir,- dedi NorovT oshkentda oʻtkazilayotgan Afgʻoniston boʻyicha xalqaro konferentsiyadagi nutqida.

Toshkentda prezident Shavkat Mirziyoyev tashabbusi bilan “Afgʻoniston: Xavfsizlik va iqtisodiy taraqqiyot” mavzusida xalqaro konferentsiya oʻz ishini boshladi. U ikki kun davom etadi.
Nufuzli tadbirda 20 dan ortiq davlatning Afgʻoniston boʻyicha maxsus vakillari, oʻnlab xalqaro va mintaqaviy tashkilotlar rahbarlari va mutaxassislari, shuningdek, Afgʻoniston muvaqqat hukumati delegatsiyasi ishtirok etmoqda.
Unda Afgʻonistonni ijtimoiy-iqtisodiy jihatdan tiklash, afgʻon xalqining hozirgi va kelgusi avlodlari uchun uzoq kutilgan tinch hayotni taʼminlashga qaratilgan infratuzilma va ijtimoiy loyihalarni amalga oshirish va boshqa bir qator dolzarb masalalar koʻrib chiqiladi.
Shuningdek, xalqaro konferentsiya doirasida qoʻshni Afgʻonistonda iqtisodiy barqarorlikni tiklashga qaratilgan gumanitar va infratuzilma loyihalar taqdimoti ham boʻlib oʻtadi.
Yangiliklar lentasi
0