Iqtisod

Ayrim shaxslarga soliq toʻlashda imtiyozlar berildi

Nalogi - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Soliq kodeksiga kiritilgan oʻzgartirishlarga koʻra, ayrim shaxslar soliq toʻlashdan ozod etildi.
TOSHKENT, 27 iyul — Sputnik. 26 iyul kuni qabul qilingan qonun bilan Soliq kodeksiga qoʻshimcha va oʻzgartirishlar kiritildi.
Unga koʻra, mobil aloqa xizmatlariga nisbatan soliq stavkalari 10 foiz etib belgilandi. Ilgari stavka 15 foizga teng boʻlgan.
Taʼlim yoʻnalishi
Talabalarning Oʻzbekiston oliy taʼlim tashkilotlari hududida pulli oʻquv kurslari, sport toʻgaraklarini tashkil etishdan va boshqa taʼlim xizmatlarini koʻrsatishdan olingan daromadlari jami daromadlarga kiritilmaydi.
Oʻquvchilar va talabalarning taʼlim olishi uchun Oʻzbekiston professional va oliy taʼlim tashkilotlari bilan toʻgʻridan-toʻgʻri shartnomalar boʻyicha pulli-kontrakt asosida oʻtkaziladigan mablagʻ xarajatlariga soliq toʻlovchining daromadi sifatida qaralmaydi.
Soliq toʻlovchining farzandlariga nodavlat maktabgacha taʼlim tashkilotlari va maktablar koʻrsatadigan taʼlimga oid xizmatlar uchun ota-ona tomonidan har bir farzand uchun toʻlanadigan oyiga 3 mln soʻmgacha boʻlgan toʻlovlariga yoʻnaltiriladigan daromadlariga soliq solinmaydi.
Rezidentlar va norezidentlar
Norezidentlar boʻlgan jismoniy shaxslarning mehnat shartnomalari va fuqarolik-huquqiy xususiyatdagi shartnomalar boʻyicha olingan daromadlari uchun soliq stavkalari 12 foiz etib belgilandi.
Qishloq joylarda joylashgan antenna-machta metall konstruktsiyalari, shuningdek ularga oʻrnatilgan hamda ularning ajralmas qismi boʻlgan konstruktsiyalar egallagan yer uchastkalariga soliq solinmaydi.
Shu yilning 1 aprelidan 2024 yil 31 dekabrgacha respublika rezidentlari va norezidentlari boʻlgan jismoniy shaxslarning aktsiyalar boʻyicha dividendlar tarzidagi daromadlari jismoniy shaxslardan olinadigan daromad soligʻidan ozod qilinadi.
Prezidentning va hukumatning 1 iyulgacha qabul qilingan hujjatlarida nazarda tutilgan bojxona boji boʻyicha imtiyozlar ularning amal qilish muddati tugaguniga qadar amal qiladi.
Yangiliklar lentasi
0