Iqtisod

Baʼzi tadbirkorlar soliq toʻlashda qator imtiyozlarga ega boʻlishdi

© CC0 / Unsplash / Hunters RaceBiznesmen. Illyustrativnoye foto
Biznesmen. Illyustrativnoye foto - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Xoʻjaliklarda baliq yetishtirishni kooperatsiya asosida yoʻlga qoʻygan soliq toʻlovchilar 2025 yil 1 yanvargacha barcha soliqlardan ozod qilinadi.
TOSHKENT, 27 iyul — Sputnik. 26 iyul kuni qabul qilingan qonun bilan Soliq kodeksiga qoʻshimcha va oʻzgartirishlar kiritildi.
Unga koʻra biznes uchun quyidagi imtiyozlar belgilandi:
- Chakana savdo, umumiy ovqatlanish, mehmonxona, yoʻlovchi va yuk tashish, avtotransportlarni taʼmirlash, ularga texnik xizmat koʻrsatish, kompyuter xizmatlarini, maishiy texnikani taʼmirlash, agro va veterinariya xizmatlari koʻrsatuvchi, koʻngilochar joylarda xizmat koʻrsatuvchi tadbirkorlar – 2022 yil 1 apreldan 2025 yildan 1 yanvargacha ijtimoiy soliqni 1 foiz toʻlaydi;
Tadbirkorlar 2022 yil 1 yanvardan 2027 yil 1 yanvargacha maydoni 5 ming kv/m dan koʻp savdo komplekslari va mehmonxonalar, ular egallagan yerlar boʻyicha quyidagilarga haqli:
mol-mulk va yer soligʻi boʻyicha stavkalarga nisbatan 0,1 koeffitsiyentni qoʻllashga;
foyda soligʻini hisoblashda 2 yillik mazkur binolarning qiymatini amortizatsiya tarzida chegirib tashlanadigan xarajatlarga kiritishga.
Xoʻjaliklarda baliq yetishtirishni kooperatsiya asosida yoʻlga qoʻygan soliq toʻlovchilar 2025 yil 1 yanvargacha barcha soliqlardan (QQS va ijtimoiy soliq mustasno) ozod qilinadi.
Charm, moʻyna xom ashyosi va junni qayta tayyorlash, qoramolni avtomatlashtirilgan tarzda soʻyish, jun, qorakoʻl va sunʼiy charmdan buyumlar, charm-attorlik mahsulotlari, poyabzal ishlab chiqarish bilan shugʻullanuvchi soliq toʻlovchilar 2023 yil 1 yanvardan 2026 yil 1 yanvargacha foyda, aylanmadan olinadigan va mol-mulk soligʻini toʻlashdan ozod qilinadi.
Ayrim shaxslarga soliq toʻlashda imtiyozlar berildi
Yangiliklar lentasi
0